2011-03-17
យុវនារីខ្មែរ ២រូប គឺកញ្ញា អូន ស្រីណា និងកញ្ញា ជិន សុខា ពីអង្គការ «ថ្ងៃថ្មីនៃកម្ពុជា» ត្រូវបានគេជ្រើសរើសឲ្យមកចូលរួមក្នុងកិច្ចប្រជុំកំពូលស្ត្រីពិភពលោក ដែលបានប្រារព្ធធ្វើ ៣ថ្ងៃ នៅក្រុងញូវយ៉ក សហរដ្ឋអាមេរិក កាលពីថ្ងៃទី១០ ដល់ថ្ងៃទី១២ ខែមីនា ឆ្នាំ២០១១ កន្លងមកនេះ។
សន្និសីទកំពូលស្ត្រីពិភពលោកនៅឆ្នាំនេះ មានការចូលរួមពីមន្ត្រីជាន់ខ្ពស់របស់សហរដ្ឋអាមេរិកជាច្រើននាក់ ដូចជារដ្ឋមន្ត្រីការបរទេសបច្ចុប្បន្ន លោកស្រី ហ៊ីលឡារី គ្លិនតុន (Hillary Clinton) អតីតរដ្ឋមន្ត្រីការបរទេស លោកស្រី ខនដលលីហ្សា រ៉ៃ (Condoleezza Rice) និងអតីតរដ្ឋមន្ត្រីការបរទេស លោកស្រី ម៉ាឌឺឡិន អលប្រាយ (Madeline Albright) ព្រមទាំងតារាភាពយន្តហូលីវូដល្បីល្បាញជាច្រើនរូបទៀត។
ក្នុងដំណើរទស្សនកិច្ចលើកដំបូងនៅសហរដ្ឋអាមេរិក យុវតីទាំងពីររូបនេះក៏បានជួបជាមួយលោកជំទាវ មីស្សែល អូបាម៉ា (Michelle Obama) ភរិយារបស់លោក បារ៉ាក់ អូបាម៉ា (Barack Obama) ប្រធានាធិបតីសហរដ្ឋអាមេរិក នៅសេតវិមាន ក្នុងរដ្ឋធានីវ៉ាស៊ីនតុន កាលពីថ្ងៃពុធ ទី៩ ខែមីនា កន្លងទៅនេះ ជាមួយស្ត្រីប្រមាណជាង ១០០នាក់ផ្សេងទៀតមកពីបណ្ដាប្រទេសជាច្រើនក្នុងពិភពលោក។ អ្នកស្រី ម៉ៅ សុធានី មានសេចក្ដីរាយការណ៍ជូនជ្រាបអំពីរឿងនេះ
ស្តាប់សំឡេង
No comments:
Post a Comment