ខេត្តកំពង់ចាម ៖ យុវជនអគតិម្នាក់បានធ្វើឱ្យល្បែងស្នេហារបស់ខ្លួនក្លាយទៅជាបទ ឧក្រិដ្ឋជំនួសឱ្យទឹកចិត្តភក្តីភាព ។ ជាការពិតណាស់ ទោះបីជាស្រឡាញ់ស្ទើរលេបក៏ដោយ ក៏ត្រូវមានព្រំដែនដែរ មិនត្រូវមានចិត្តចង្អៀតរហូតបិទទ្វារបេះដូង ហើយជ្រើសរើសផ្លូវទាល់ច្រកមួយដែលមានន័យថា បើមិនបាននាងមកធ្វើជាគូអនាគតបុរសណាក៏មិនអាចបានដូចគ្នាដែរ ។ នេះជាគំនិតឆ្កួតៗតែប៉ុណ្ណោះ គ្មានហេតុផលណាមួយលើសពីប្រុសពេញដី ស្រីពេញនគរនោះឡើយ ។ ទាក់ទិននឹងគំនិតឆ្កួតៗរបស់យុវជនម្នាក់ បានធ្វើឱ្យនាងជាគូសង្សាររងរបួសដោយសារការចាប់អារ.កប៉ុន ប៉ងសម្លាប់ ហើយប្រុសស្នេហ៍អគតិដែលសម្រេចចិត្តប៉ុនប៉ងសម្លាប់នារីដែល ខ្លួនស្រឡាញ់ស្ទើរលេបបានគិតថា ពេលសម្លាប់នាងហើយខ្លួនក៏ធ្វើអត្តឃាតស្លាប់តាមនាងដែរ គឺសុខចិត្តស្លាប់ដើម្បីស្នេហាដែលគ្មានអ្វីមកជំនួសបាន ។
ចំណងស្នេហ៍រវាងកំលោះក្រមុំមួយគូនេះ ត្រូវបានគេដឹងថា ពួកគេបានខិតខំថែរក្សាភាពផ្អែមល្ហែមអស់រយៈពេល៣ឆ្នាំមកហើយ តែនៅពេលជួបឧបសគ្គមករារាំងក៏បង្កើតជាព្យុះសង្ឃរាបោកបក់យា៉ង ខ្លាំង ព្រោះមិនអាចឱ្យពួកគេយកគ្នាធ្វើជាគូអនាគតបាន ។ យុវជនឈ្មោះគ្រីម ឡុងហ៊ួត អាយុ២៤ឆ្នាំ ដោយសារភាពអគតិរបស់ខ្លួនបានយកកូនកាំបិតចិតបន្លែទៅអារ ផ្តាច់បំពង់.កនាងខេង សុធាវី ហៅដា អាយុ២០ឆ្នាំ ដែលជាសង្សារ ដើម្បីបញ្ចប់ជីវិតនាងនៅចំការចេកខាងក្រោយផ្ទះរបស់នាង ស្ថិតនៅភូមិផ្ទះកណ្តាលក្រោម ឃុំផ្ទះកណ្តាល ស្រុកស្រីសន្ធរ វេលាម៉ោង៥ល្ងាច ថ្ងៃទី៧ ឧសភា រួចទើបសម្លាប់ខ្លួនតាមក្រោយ ។ តែគម្រោងការនេះមិនបានសម្រេច ដោយគ្រាន់តែធ្វើឱ្យនាងរងរបួស២កន្លែងធ្ងន់ធ្ងរ ហើយភ្លាមៗនោះត្រូវបានអ្នកភូមិផងរបងជាមួយនាំគ្នាជួយទាន់ពេល វេលា និងចាប់យុវជននេះប្រគល់ឱ្យទៅសមត្ថកិច្ចចាត់ការតាមច្បាប់ ។
លោកវរសេនីយ៍ទោ សាន សុភា នាយការិយាល័យព្រហ្មទណ្ឌកម្រិតធ្ងន់ខេត្តបានឱ្យដឹងថា យោងតាមពាក្យបណ្តឹងរបស់អ្នកស្រីអ៊ូ ងីន ហៅងីម ដែលត្រូវជាម្តាយរបស់នារីរងគ្រោះបានឱ្យដឹងថា ក្នុងខណៈពេលដែលគាត់ជិះកង់ចេញមកពីចម្ការនាល្ងាចនោះ ត្រូវបានអ្នកភូមិរស់នៅក្បែរផ្ទះរត់មកប្រាប់គាត់ថា កូនស្រីគាត់ត្រូវគេចាប់អារ.ក ហើយគំរាមសម្លាប់ទាំងគ្រួសារទៀតផង ។ ចំណែកជនសង្ស័យឈ្មោះឡុងហ៊ួត ត្រូវបានអ្នកភូមិចាប់ខ្លួន ព្រមទាំងបានទូរស័ព្ទប្តឹងនគរបាលប៉ុស្តិ៍រដ្ឋបាលឃុំ ហើយត្រូវបាននាំទៅកាន់អធិការដ្ឋាននគរបាលស្រុកស្រីសន្ធរដើម្បី សួរនាំ ជុំវិញការប៉ងសម្លាប់នារីរងគ្រោះដែលខ្លួនស្រឡាញ់យូរមកហើយ ។
លោកអនុសេនីយ៍ ខេង ស្រេង អធិការរងស្រុកស្រីសន្ធរ ទទួលផែនយុត្តិធម៌បានឱ្យដឹងថា តាមប្រវត្តិនៃការទាក់ទងស្រឡាញ់គ្នារវាងពួកគេទាំងពីរនាក់ គឺនៅក្នុងឆ្នាំ២០០៩ កន្លងទៅ នាងសុធាវី បានទៅលេងផ្ទះបងស្រីរបស់នាងនៅភូមិរវាង ឃុំខ្នុរដំបង ស្រុកជើងព្រៃ ហើយផ្ទះរបស់ឈ្មោះគ្រីម ឡុងហ៊ួត ក៏នៅក្បែរគ្នាដែរ ពួកគេបានចាប់ផ្តើមស្គាល់គ្នា និងរាប់អានគ្នាជាធម្មតា។ ក្រោយៗមកទៀតបានទាក់ទងតាមទូរស័ព្ទទៅវិញទៅមកជាញឹកញាប់ក៏ឈាន ដល់ការស្រឡាញ់គ្នាជាសង្សារ និងមានពេលខ្លះយុវជននេះបានធ្វើដំណើរទៅលេងនាងដល់ផ្ទះនៅស្រុក ស្រីសន្ធរទៀតផង ។
ឈ្មោះគ្រីម ឡុងហ៊ួត ជាបុគ្គលិកក្រុមហ៊ុនជួលកង់មួយនៅខេត្តសៀមរាប ក្រោយពេលចាប់ខ្លួនបានឆ្លើយសារភាពថា រូបគេនិងនាងតែងតែបានណាត់ជួបគ្នាជាច្រើនដង បន្ទាប់ពីបានដឹងចិត្តថ្លើមគ្នាមក គឺបានស្រឡាញ់គ្នាចិត្តនិងចិត្ត ។ តាមការសារភាពបានរំលឹកថា មកដល់ថ្ងៃទី២៨ សីហា ឆ្នាំ២០០៩ រូបគេបានទូរស័ព្ទទៅនាងសុធាវី ហើយត្រូវបាននាងប្រាប់ថា បងនាងបានដឹងពីរឿងរបស់ពួកយើងអស់ហើយ គឺគាត់មិនឱ្យទាក់ទងគ្នាបន្តទៀតទេ។ ពេលដែលបានស្តាប់ឮដំណឹងបែបនេះ ខ្លួនក៏បានសុំលេខទូរស័ព្ទបងស្រីនាង រួចបានទូរស័ព្ទសួរនាំ ដោយបានលើកពីហេតុផលនានានិងនិយាយអង្វរបងនាង ហើយបានទទួលនូវការវាយតម្លៃថា ខ្លួនមិនមានលទ្ធភាពចិញ្ចឹមប្អូនស្រីគេនោះទេ។ ទោះបីជាបែបណា ខ្លួនបានតាំងចិត្តថានឹងរៀនបន្តនៅមហាវិទ្យាល័យដើម្បីបានចូល ស្តីដណ្តឹងនាង ។ តែទោះបីជាខ្លួនបានខិតខំព្យាយាមអង្វរយ៉ាងណាក្តី ក៏បងនាងមិនយល់ព្រមទៀត ។ យុវ ជនរូបនេះ បាននាំដំណឹងបរាជ័យស្នេហានេះទៅប្រាប់នាងសុធាវី ដែលបងរបស់នាងមិនឱ្យជួបគ្នាទេ ហើយនាងបាននិយាយថា បើអ៊ីចឹងមែននោះ ពួកយើងបែកគ្នាត្រឹមនេះទៅ ចាត់ទុកថា នាងបានស្លាប់ទៅចុះ ។ ក្នុងពេលដែលមានទុក្ខព្រួយព្រោះមិនអាចស្រឡាញ់នារីម្នាក់ដែល ខ្លួនស្រឡាញ់បាន ខ្លួនក៏នៅតែព្យាយាមបន្តការទាក់ទងគ្នា ហើយនាងក៏បានយល់ព្រមតាម។លុះពេលមកដល់បុណ្យអុំទូកឆ្នាំ២០១០ នាងឧស្សាហ៍បិទទូរស័ព្ទ ជាហេតុធ្វើឱ្យខ្លួន និងនាងមានការឈ្លោះប្រកែកគ្នាដោយពាក្យសម្តីខ្លះៗ។ បន្តមកទៀត ក្នុងឱកាសបុណ្យចូលឆ្នាំខ្មែរឆ្នាំ២០១១ ខ្លួនបានព្យាយាមទូរស័ព្ទមកនាងជាច្រើនលើក តែមិនត្រូវបាននាងលើកនោះទេ ។
នៅថ្ងៃទី២៨ មេសា រូបគេបានធ្វើដំណើរពីខេត្តសៀមរាបដើម្បីស្កាត់មកជួបនាងនៅ ស្រុកស្រីសន្ធរ សួរនាំឱ្យបានច្បាស់ ក្នុងពេលដែលជួបសាសងជាមួយគ្នានោះនាងបានឆ្លើយថា «ពេញចិត្តតែបងមួយទេ» ។ យុវជនរូបនេះបាននិយាយថា រូបគេតែងទូរស័ព្ទមកនាងតែមិនចូលសោះ ។ នៅថ្ងៃទី៥ ឧសភា ឆ្នាំ ២០១១ រូបគេបានចេញដំណើរមកជួបនាងនៅលើស្ពានក្បែរសាលាស្រុកស្រី សន្ធរ និយាយគ្នាបានបន្តិចក៏បែកគ្នាត្រឡប់ទៅផ្ទះ ។ លុះមកដល់ព្រឹកថ្ងៃទី៦ ឧសភា ក៏បានជួបនាងម្តងទៀត ហើយនាងបានសុំចែកផ្លូវពីរូបគេ ភ្លាមនោះរូបគេបានយល់ព្រម និងបានស្ទុះមកអោបគ្នា ហើយរូបគេបាននិយាយសុំនាងជិះកង់ឌុបនាងដើរលេងជាមួយគ្នា និងជិះរហូតជិតមកដល់ស្ពានព្រែកតាមាក់ ហើយនាងបានឡើងជិះម៉ូតូឌុបត្រឡប់ទៅផ្ទះវិញ។ លុះមកដល់ព្រឹកថ្ងៃទី៧ ឧសភា រូបគេបានមករង់ចាំនាងនៅក្បែរសាលាស្រុកស្រីសន្ធរ ទៀត ដោយចាំយូរពេកមិនឃើញក៏បានជិះម៉ូតូឌុបសំដៅទៅផ្ទះនាង នៅភូមិផ្ទះកណ្តាលក្រោម ហៅនាងមកនិយាយនៅខាងក្រោយផ្ទះប្រាប់នាងថា ខ្លួនអត់មានលុយធ្វើដំណើរត្រឡប់ទៅវិញទេ ពេលនោះនាងបានយកលុយចំនួន៤ម៉ឺនរៀលមកឱ្យ ។ ពេលបានទទួលលុយហើយ គេបានសុំនាងដេកជាមួយតែនាងមិនព្រម ហើយបានព្រលយពាក្យថា បើមិនសុខចិត្តទេ សម្លាប់នាងចោលទៅ។ ភ្លាមនោះរូបគេបានគំរាមថា «បើមិនព្រមទេ រូបគេនឹងសម្លាប់ទាំងគ្រួសារម្តងមួយៗ» ពេលនោះនាងសុធាវី បាននិយាយពន្យុះថា នុះកាំបិត ហើយរូបគេក៏បានយកកូនកាំបិតមកភ្ជង់ និងអារ.កនាងទាំងបង្ខំចិត្ត រួចហើយនឹងធ្វើអត្តឃាតខ្លួនឯងតាមក្រោយ ។
ចំណែកនាងខេង សុធាវី ហៅដា បានឆ្លើយ បំភ្លឺប្រាប់សមត្ថកិច្ចថា កាលពីម៉ោង៥ល្ងាច ថ្ងៃទី៧ ឧសភា ឆ្នាំ២០១១ ក្នុងពេលដែលនាងកំពុងតែឈរពក្មួយនៅក្រោមផ្ទះអ្នកភូមិនៅក្បែរ គ្នា ស្រាប់តែបានឃើញឈ្មោះគ្រីម ឡុងហ៊ួត ដើរមកហៅនាង ។ ពេលនាងដើរចេញទៅស្រាប់តែជននេះបានចាប់នាងផ្តួលផ្ទប់នៅនឹង ស្មា ហើយអារ.កនាងនឹងកាំបិត ភ្លាមនោះនាងបានប្រឹងរើបំរះរត់ចេញ រួចបានស្រែកហៅគេឱ្យជួយ និង ដាក់ក្មួយ ចុះ ។ ពេលនោះ ឈ្មោះឡុងហ៊ួត បានដេញតាមនាងពីខាងក្រោយ និងចាប់នាងបានក៏ព្យាយាម អារ.កនាងម្តងទៀត ព្រមទាំងដាល់ត្រូវពោះនាង១ដៃ ។ នាងបំភ្លឺទៀតថា គេស្ទុះទៅយកកាំបិតខ្វែវមកបម្រុងកាប់នាងបន្ថែម តែត្រូវបានអ្នកភូមិចូលមកចាប់ជាប់ ឯនាងត្រូវបានឪពុកម្តាយនាំទៅសង្គ្រោះនៅមន្ទីរពេទ្យបង្អែកស្រុក ស្រីសន្ធរ ៕
No comments:
Post a Comment