ឃុំខ្លួន​យុវជន​ជាប់ចោទ​​​​សម្លាប់ក្មេងស្រី​អាយុ7ឆ្នាំ​កំពុងរត់​លេង



ខេត្តកំពង់ឆ្នាំង ៖ ​យុវជន​ម្នាក់​ត្រូវ​​សាលា​ដំបូង​​ខេត្តសម្រេច​​ឃុំខ្លួន​ក្នុងពន្ធនាគារ​​​នៅ​ព្រឹក​ថ្ងៃទី២៧ ​​កុម្ភៈ​​ពីបទ​​សម្លាប់​កុមារី​​​អាយុ​៧ឆ្នាំ ​កាល​ពី វេលាម៉ោង​​៦ និង​៣០នាទី​​​ល្ងាច​​​ថ្ងៃទី២៥ កុម្ភៈ​​នៅ​ផ្ទះ​របស់​​​​ឈ្មោះអុង ​​យ៉េន ​​នៅ​​​​ភូមិ​ទឹកល្អក់ ​​ឃុំ​​ក្រាំង​លាវ ស្រុក​រលាប្អៀរ ខណៈ​កុមារី​​​រងគ្រោះ​​កំពុងរត់​​លេង​ជាមួយ​ក្មេង​ដទៃ​ទៀត ។
ជនសង្ស័យ​​​ឈ្មោះកែវ ​ឌីណា អាយុ​២០ឆ្នាំ ​មានទីលំនៅ​ក្នុងភូមិ​ក្បាលស្ពាន ​​ឃុំប៉ោយ​ប៉ែត ស្រុក​អូរជ្រៅ ​​ខេត្តបន្ទាយ​មាន​ជ័យ ​​។​ ចំណែក​​កុមារី​រងគ្រោះ​​​​ឈ្មោះ​តាំ ​សុភា ​​អាយុ​៧ឆ្នាំ មាន​ទី​លំនៅក្នុងភូមិ​ទឹកល្អក់​ ឃុំ​​ក្រាំងលាវ ។
យោងតាម​​របាយការណ៍​​របស់ប៉ូលិសស្រុក ​​ឱ្យ​ដឹងថា ​​​កុមារីរង​គ្រោះ​​​​រត់លេង​​​​ជាមួយ​ក្មេង​ដទៃ​ទៀត ​​​ជិត​កន្លែង​ផឹកស៊ី​​របស់ឪពុក​ខ្លួន ។​​ ដោយឡែក ​កែវ ឌីណា ​ទើប​មក​ពីប៉ោយប៉ែត ​​មកលេង​ផ្ទះ​​បង​ឈ្មោះ​​កែវ នាង នៅភូមិ​កើត​ហេតុ ។ ​ពេល​​នោះគ្មាន​​​រឿង​អីសោះ ​​ស្រាប់តែ​​ជន​សង្ស័យ​​​ស្ទុះ​​​យកកាំបិត​​​​ប៉័ង​តោ​​​កាប់​ក្មេង​ស្រី​​​ពីក្រោយ​​​ត្រូវចំកញ្ចឹងក​ខាងស្តាំ ​បណ្តាលឱ្យ​របួស​​​​ជា​ទំងន់ ។​ កុមារី​រងគ្រោះ​ត្រូវគេដឹក​​​ទៅ​សង្គ្រោះ​​នៅមន្ទីរពេទ្យ​​​ខេត្ត និង​បន្ត​ទៅ​មន្ទីរ​ពេទ្យ​​ក្នុង​រាជធានីភ្នំពេញ​ទៀត ប៉ុន្តែបានស្លាប់​​នៅ​ម៉ោង១រសៀល​​ថ្ងៃទី២៦ កុម្ភៈ ។
ប៉ូលិស​​​​និងមន្ត្រី​​តុលាការ​យក​ចម្លើយ​​​​ពីជន​សង្ស័យ​មិនបាន​ឡើយ ​ហើយសង្ស័យថា គេជា​មនុស្ស​ញៀន​ថ្នាំ ៕

No comments:

Post a Comment