ដោយ ៖ កោះឯករាជ្យ
ថ្ងៃ ពុធ ទី ២៩ ខែ ធ្នូ ឆ្នាំ ២០១០
ខេត្ត ស្ទឹងត្រែង ៖ ស្រ្តីចំណាស់ម្នាក់បានរងគ្រោះថ្នាក់ដោយដួលម៉ូតូ ឱ្យក្បាលគាត់ឈូសនឹងក្តារស្ពានរបកស្បែករយះជាច្រើនកន្លែង និងរបួសធ្ងន់ធ្ងរ ។
គ្រោះ ថ្នាក់នេះកើតឡើងនៅលើស្ពានឈើតាមផ្លូវលំស្ថិតក្នុងភូមិលើ ឃុំព្រះរំកិល ស្រុកថាឡាបរិវ៉ាត់ កាលពីវេលាម៉ោង៧និង៣០នាទីព្រឹកថ្ងៃទី២៨ ខែធ្នូ ឆ្នាំ២០១០ ។ ប្រជាពលរដ្ឋនៅកន្លែងកើតហេតុបានឱ្យដឹងថា ស្ត្រីរងគ្រោះឈ្មោះ ហាត់ អៀក អាយុ៥៦ឆ្នាំ ជាកសិករ រស់នៅភូមិក្រោម ឃុំព្រះរំកិល ។
ថ្ងៃ ពុធ ទី ២៩ ខែ ធ្នូ ឆ្នាំ ២០១០
ខេត្ត ស្ទឹងត្រែង ៖ ស្រ្តីចំណាស់ម្នាក់បានរងគ្រោះថ្នាក់ដោយដួលម៉ូតូ ឱ្យក្បាលគាត់ឈូសនឹងក្តារស្ពានរបកស្បែករយះជាច្រើនកន្លែង និងរបួសធ្ងន់ធ្ងរ ។
គ្រោះ ថ្នាក់នេះកើតឡើងនៅលើស្ពានឈើតាមផ្លូវលំស្ថិតក្នុងភូមិលើ ឃុំព្រះរំកិល ស្រុកថាឡាបរិវ៉ាត់ កាលពីវេលាម៉ោង៧និង៣០នាទីព្រឹកថ្ងៃទី២៨ ខែធ្នូ ឆ្នាំ២០១០ ។ ប្រជាពលរដ្ឋនៅកន្លែងកើតហេតុបានឱ្យដឹងថា ស្ត្រីរងគ្រោះឈ្មោះ ហាត់ អៀក អាយុ៥៦ឆ្នាំ ជាកសិករ រស់នៅភូមិក្រោម ឃុំព្រះរំកិល ។
មុនពេលកើតហេតុស្រ្តីរូបនេះបានជិះម៉ូតូជាមួយ ចៅប្រុសចេញពីផ្ទះរបស់គាត់សំដៅទៅផ្ទះកូននៅភូមិលើ លុះពេលដល់លើស្ពានឈើនោះក៏រអិលដួលធ្វើឱ្យរូបគាត់ដែលជិះពីក្រោយ ធ្លាក់ដួលបោកក្បាលទៅនឹងក្តារស្ពាន បណ្តាលឱ្យរបកស្បែកស្ទើរតែឃើញលលាដ៍ ។ ប្រភពដដែលបានបន្តថា ក្រោយពីមានហេតុការណ៍គ្រោះថ្នាក់កើតឡើង អ្នកភូមិដែលនៅក្បែរនោះ ព្រមទាំងគ្រួសាររបស់គាត់បានដឹកតាមកាណូតមកមន្ទីរពេទ្យបង្អែកខេត្តដើម្បី សង្គ្រោះ ។
បន្ទាប់ពីធ្វើការសង្រ្គោះបឋមឃើញថា ស្រ្តីរងគ្រោះមានរយះក្បាលផ្នែកខាងមុខជាច្រើនកន្លែង និងរបកស្បែកទៀតផងដែលក្រុមគ្រូពេទ្យបានដេរជាច្រើនថ្នេរ ចំណែកចៅប្រុសដែលរួមដំណើរជាមួយគ្នាពុំមានរងរបួសអ្វីទេ ៕
No comments:
Post a Comment