ទាហាន​ខ្មែរ​ចាប់​បាន​អាប​ថៃ

ព្រឹក​មិញ​នេះ (២៩ ធ្នូ ២០១០) ​ទាហាន​កម្ពុជា​ នៅ​ព្រំ​ប្រទល់​ដែន​ខេត្ត​បន្ទាយ​មាន​ជ័យ​បាន​ចាប់​ខ្លួន​ជន​ជាតិ​ថៃ​៧​នាក់ ពី​បទ​ចូល​មក​វាស់​វែង​លើ​ផែន​ដី​កម្ពុជា ដោយ​ខុស​ច្បាប់។ ក្នុង​ចំណោម​ជន​ថៃ​ទាំង​៧​នាក់​នោះ មាន​កូន​អាប​ម្នាក់​ត្រូវ​បាន​ចាប់​ខ្លួន​ដោយ​ទាហាន​កម្ពុជា​ផង​ដែរ គឺ​នាយ  វីរៈ សមខ្វាមគិត (សូម​អាន​អត្ថបទ៖ មើល​មុខ​អាប​ថៃ​ដែល​​ចង់​ស៊ី​ខ្មែរ​ទាំង​រស់)។
នាយ វីរៈ សមខ្វាមគិត គឺ​ជា​មេ​ក្រុម​ម្នាក់​របស់​ពួក​អាវ​លឿង ហើយ​ដែល​កកូរ​កកាយ​រឿង​ព្រះ​វិហារ បង្ក​ជា​ជម្លោះ​ឥត​ឈប់​ឈរ​ជាមួយ​ប្រទេស​កម្ពុជា។ ម្នាក់​នេះ​ចិញ្ចឹម​ចិត្ត​ស្អប់​ខ្មែរ ប្រៀប​ដូច​ចង់​ស៊ី​សាច់​ទាំង​រស់។ ជន​ជាតិ​ថៃ​ទាំង​៧​នាក់​ដែល​ទាហាន​កម្ពុជា​បាន​ចាប់​នា​ព្រឹក​មិញ​នេះ មាន នាយ ពនិជ វិកិតសេដ្ឋ (ថៃ៖ พนิช วิกิตเศรษฐ์) ជា​សមាជិក​សភា​​គណៈបក្ស​ប្រជាធិបតេយ្យ​របស់​នាយ អភិសិទ្ធិ វេជ្ជាជីវៈ អតីត​ជំនួយ​ការ​ក្រសួង​ការ​បរទេស, នាយ សែមតិន លើសបុស្យ (ថៃ៖ แซมดิน เลิศบุศย์ ជា​លេខានុការ​កងទ័ព​ធម្ម, នាយ កិចពលធរ ជុណ្ណសេវី (ថៃ៖ นายกิจพลธร ชุณณะเสวี), នាយ វីរៈ សមខ្វាមគិត, នាយ តាយនែ មុងម៉ាចុន (ថៃ៖ ตายแน่ มุ่งมาจน) ឈ្មោះ​ក្រៅ ប៉ៀក ជា​ពិធីករ​ FMTV រួម​និង​ស្រី​២​នាក់​ទៀត​មាន​ឈ្មោះ​ក្រៅ​ថា ហ្មួយ និង​ អួន
តាម​សេចក្ដី​រាយការណ៍​របស់ Cambodia Express News បាន​ឲ្យ​ដឹង​ថា​​​ការ​ចាប់​ខ្លួន​​នោះ​​ត្រូវ​បាន​ធ្វើ​នៅ​ម៉ោង​១០​ព្រឹក​ ថ្ងៃ​ពុធ ​ទី​២៩ ខែ​​ធ្នូ នេះ នៅ​ពេល​​ដែល​ជន​ជាតិ​ថៃ​ទាំង​៧​នាក់​នេះ កំពុង​ថត​វីដេអូ​ និង​ផ្តិត​រូបថត នៅ​ចំណុច​បង្គោល​ព្រំដែន​លេខ​៤៦ នៅក្នុង​ភូមិ​ជោគជ័យ ឃុំ​អូរ​បី​ជាន់ ស្រុក​អូរជ្រៅ​ ខេត្ត​បន្ទាយ​មានជ័យ​។ ចំណែក​ឯ​សេចក្ដី​រាយការណ៍​របស់​ថៃ​វិញ គឺ​ស្ថិត​នៅ​ចំណុច​ឃុំ​ហ្ម៉ាក​ម៉ុន ស្រក​គោក​ខ្ពស់ ខេត្ត​ស្រះ​កែវ។
តាម​ព័ត៌មាន​ពី​សម្ដេច​ ហ៊ុន សែន នាយករដ្ឋមន្ត្រី ​នៃ​ព្រះ​រាជាណាចក្រ​កម្ពុជា បាន​ឲ្យ​ដឹង​ថា មាន​ការ​ចរចា​សុំ​ដោះ​លែង​សមាជិក​សភា​ពីរ​រូប តែត្រូវ​បដិសេធ​ដោយ​ខាង​កម្ពុជា ចាត់​ចូល​សំណុំ​រឿង​តែ​មួយ​ដើម្បី​បញ្ជូន​ទៅ​តុលាការ។
យ៉ាង​ម៉េច​ដែរ នាយ វីរៈ? ដេក​គុក​ខ្មែរ និង​ឆ្លង​ឆ្នាំ​២០១០ នៅ​ព្រៃ​ស​​លេង​សិន​រ៉ូវ អា​នាង!
រូបភាព​ចោរ​ថៃ​ទាំង​៧​គ្រឿង​ចូល​ដី​ខ្មែរ​ដោយ​ខុស​ច្បាប់


 






ភ័ស្តុតាង​រូបថត​ជន​ជាតិ​ថៃ​ទាំង​៧​នាក់​ចូល​ជ្រៅ​ក្នុង​ទឹក​ដី​ខ្មែរ​យ៉ាង​ ច្បាស់​ក្រឡែត (យក​ចេញ​ពី​ម៉ាស៊ីន​ថត​របស់​ពួក​ទាំង​នោះ) តើ​មាន​មុខ​អី​ប្រកែក​ទៀត? មើល​រូប​ថត​ច្រើន​ទៀត​ពី

No comments:

Post a Comment