មូរ សុខហួរ ទាមទារ​ឲ្យ​រដ្ឋ​សភា​​ផ្ដល់​អភ័យ​ឯកសិទ្ធិ​វិញ

RFA/Den Ayuthyea
១៥-កក្កដា-២០១០: តំណាង​រាស្ត្រ​គណបក្ស សម រង្ស៊ី លោកស្រី
មូរ សុខហួរ (រូប​កណ្ដាល) និង​អ្នក​គាំទ្រ នៅ​ទីស្នាក់ការ​កណ្ដាល
គណបក្ស ក្នុង​រាជធានី​ភ្នំពេញ។
ដោយ យន់ សាមៀន

តំណាងរាស្ត្រ​មណ្ឌល​កំពត របស់​គណបក្ស សម រង្ស៊ី លោកស្រី មូរ សុខហួរ នៅ​ថ្ងៃ​ទី​១១ ខែ​មករា ឆ្នាំ​២០១១ បាន​ទាមទារ​ឲ្យ​រដ្ឋ​សភា​កម្ពុជា ផ្តល់​អភ័យ​ឯក​សិទ្ធិ​ជូន​លោកស្រី​វិញ ក្រោយ​ពេល​ដែល​រដ្ឋ​សភា​បាន​កាត់​ប្រាក់​ខែ​លោកស្រី​គ្រប់​ចំនួន ដើម្បី​សង​ជំងឺ​ចិត្ត​លោក ហ៊ុន សែន នាយរដ្ឋមន្រ្តី​កម្ពុជា​រួច​មក។មន្រ្តី​ជាន់​ខ្ពស់​គណបក្ស​ប្រជាជន​កម្ពុជា និង​ជា​សមាជិក​អចិន្ត្រៃយ៍​រដ្ឋ​សភា​ជាតិ​កម្ពុជា លោក ជាម យៀប នៅ​ថ្ងៃ​អង្គារ ទី​១១ ខែ​មករា មាន​ប្រសាសន៍​ប្រាប់​វិទ្យុ​អាស៊ីសេរី​ឲ្យ​ដឹង​ថា រដ្ឋ​សភា​កម្ពុជា មិន​អាច​ផ្ដល់​អភ័យ​ឯកសិទ្ធិ​ឲ្យ​លោកស្រី មូរ សុខហួរ តំណាងរាស្រ្ត​គណបក្ស សម រង្ស៊ី បាន​នៅ​ឡើយ​ទេ ពីព្រោះ​មិន​ទាន់​មាន​សំណើ​ពី​មន្ត្រី​យុត្តិធម៌។

ការ​បដិសេធ​មិន​ទាន់​ផ្ដល់​អភ័យ​ឯកសិទ្ធិ​ជូន​លោកស្រី មូរ សុខហួរ ធ្វើ​ឡើង​បន្ទាប់​ពី​លោកស្រី​បាន​ស្នើ​សុំ​រដ្ឋ​សភា​ឲ្យ​ផ្ដល់​អភ័យ​ឯក​ សិទ្ធិ​ឲ្យ​លោកស្រី​វិញ ពីព្រោះ​ប្រាក់​ជំងឺ​ចិត្ត និង​ប្រាក់​ផាក​វិន័យ​ដែល​តុលាការ​បង្គាប់​ឲ្យ​សង​លោក ហ៊ុន សែន នាយករដ្ឋមន្ត្រី​កម្ពុជា និង​រតនាគារ​ជាតិ ត្រូវ​បាន​រដ្ឋ​សភា​កាត់​ប្រាក់​ខែ​របស់​លោកស្រី​​សង​រួច​រាល់​អស់​រួចរាល់​ អស់​ហើយ។

រដ្ឋ​សភា​ជាតិ​កម្ពុជា បាន​កាត់​ប្រាក់​ខែ​លោកស្រី​ចំនួន ១៦,៥​លាន​រៀល តាម​ការ​បង្គាប់​របស់​តុលាការ ក្រោយ​ពី​លោកស្រី​ចាញ់​ក្តី​ករណី​បរិហារ​កេរ្តិ៍​លោក ហ៊ុន សែន កាល​ពី​ឆ្នាំ​២០០៩ រួច​មក។
លោក ជាម យៀប បន្ត​ទៀត​ថា ទោះ​បី​លោកស្រី មូរ សុខហួរ បាន​បង់​ប្រាក់​ពិន័យ​រួច​ហើយ​ក៏ដោយ រដ្ឋ​សភា​ជាតិ​ត្រូវ​ការ​សំណើ​របស់​ចៅក្រម និង​ក្រសួង​យុត្តិធម៌ ទើប​អាច​រដ្ឋ​សភា​ផ្ដល់​អភ័យ​ឯកសិទ្ធិ​ឲ្យ​លោកស្រី មូរ សុខហួរ វិញ​បាន ៖ «អត់​មាន​កន្លែង​ណា​ដែល​ចែង​ថា ឲ្យ​សភា​ទៅ​ជំរុញ​តុលាការ ឬ​ស្អី​ណា​ទេ។ សាមី​ខ្លួន​គាត់​ទេ សួរ​តុលាការ ថា ឥឡូវ​ខ្ញុំ​បង់​រួច​ហើយ យ៉ាង​ម៉េចៗ ឲ្យ​តុលាការ​គេ​ឆ្លើយ​ទៅ»
តុលាការ​ក្រុង​ភ្នំពេញ កាល​ពី​ខែ​សីហា ឆ្នាំ​២០១០ បាន​ប្រកាស​សាលក្រម​ឲ្យ​លោកស្រី មូរ សុខហួរ ចាញ់​ក្ដី​បណ្ដឹង​បរិហារ​កេរ្តិ៍​របស់​លោក ហ៊ុន សែន ដោយ​ចោទ​ប្រកាន់​លោកស្រី មូរ សុខហួរ ថា បាន​បរិហារ​កេរ្តិ៍​រូប​លោក បន្ទាប់​ពី​លោកស្រី មូរ សុខហួរ បាន​ប្រកាស​ប្ដឹង​លោក ហ៊ុន សែន ថា បាន​ប្រើប្រាស់​សម្ដី​ប្រមាថ​កិត្តិយស​របស់​លោកស្រី។
មន្ត្រី​ជាន់​ខ្ពស់​អង្គការ​សហ​ប្រជាជាតិ ទទួល​បន្ទុក​ផ្នែក​សិទ្ធិ​មនុស្ស កាល​ពី​ខែ​កក្កដា ឆ្នាំ​២០១០ បាន​ហៅ​ករណី​របស់​លោកស្រី មូ សុខហួរ ថា ជា​ករណី​នយោបាយ។ ករណី​នេះ​បាន​បង្ហាញ​ថា ជា​ការ​ប្រកាស​អាសន្ន​ចំពោះ​ការ​ធ្លាក់​ចុះ​នៃ​សិទ្ធិ​សេរីភាព​បញ្ចេញ​មតិ​ នៅ​កម្ពុជា។
អង្គការ​សហ​ប្រជាជាតិ ទទួល​បន្ទុក​ផ្នែក​សិទ្ធិ​មនុស្ស ក៏​បាន​ចាត់​ទុក​លោកស្រី មូរ សុខហួរ ជា​ជន​រង​គ្រោះ​ក្នុង​ការ​ទាមទារ​យុត្តិធម៌​សម្រាប់​ខ្លួន​លោកស្រី ដែល​ត្រូវ​បាន​លោក ហ៊ុន សែន ប្រើប្រាស់​​ពាក្យ​មិន​សមរម្យ​​ប្រមាថ​លោកស្រី។
លោកស្រី មូរ សុខហួរ នៅ​ថ្ងៃ​អង្គារ ទី​១១ ខែ​មករា មាន​ប្រសាសន៍​ប្រាប់​វិទ្យុ​អាស៊ី​សេរី ឲ្យ​ដឹង​ថា រដ្ឋ​សភា​ត្រូវ​តែ​ផ្ដល់​អភ័យ​ឯកសិទ្ធិ​ឲ្យ​លោកស្រី​វិញ ពីព្រោះ​រដ្ឋ​សភា បាន​កាត់​ប្រាក់​ខែ​លោកស្រី​តាំង​ពី​ខែ​កក្កដា ឆ្នាំ​២០១០ ហើយ​បាន​កាត់​គ្រប់​​ចំនួន ១៦,៥លាន​រៀល កាល​ពី​ខែ​សីហា ឆ្នាំ​២០១០ រួច​ហើយ។
លោកស្រី មូរ សុខហួរ មាន​ប្រសាសន៍​បន្ថែម ៖ «សភា ជា​ពិសេស​សម្ដេច​ប្រធាន​សភា​ជាតិ គួរ​តែ​យក​សិទ្ធិ​របស់​លោក ហើយ​តួនាទី​របស់​លោក​ក្នុង​ការ​ការពារ​សមាជិក​សភា​ទាំង ១២៣​រូប​នេះ ឲ្យ​មាន​ភាព​ស្មើ​គ្នា ហើយ​អ្វី​ដែល​ជា​ការ​រំលោភ​មក​ដល់​សិទ្ធិ​សមាជិក​សភា​ណា​ក៏​ដោយ ក៏​ជា​ការ​ទទួល​ខុស​ត្រូវ​របស់​សម្ដេច​ប្រធាន​ដែរ»
តុលាការ​ក្រុង​ភ្នំពេញ បាន​ស្នើ​ឲ្យ​រដ្ឋ​សភា​កម្ពុជា កាត់​ប្រាក់​ខែ​តំណាងរាស្ត្រ​លោកស្រី មូរ សុខហួរ បន្ទាប់​ពី​លោកស្រី​បាន​បដិសេធ​មិន​បង់​ប្រាក់​ឲ្យ​លោក ហ៊ុន សែន តាម​ការ​បង្គាប់​របស់​តុលាការ។ នៅ​គ្រា​នោះ លោកស្រី មូរ សុខហួរ បាន​ប្រកាស​ថា ហេតុផល​ដែល​លោកស្រី​មិន​ធ្វើ​តាម​សេចក្ដី​បង្គាប់​បញ្ជា​របស់​តុលាការ គឺ​ដោយសារ​លោកស្រី​មាន​បំណង​យក​ករណី​ក្ដីក្ដាំ​របស់​លោកស្រី​ផ្ទាល់​ជា​គំរូ ដើម្បី​កែ​លម្អ​ប្រព័ន្ធ​តុលាការ​នៅ​កម្ពុជា ដែល​កំពុង​កាត់​ក្តី​មាន​ភាព​លម្អៀង និង​ញាំញី​ទៅ​ដោយ​ឥទ្ធិពល​នយោបាយ។ ទន្ទឹ

No comments:

Post a Comment