វិធីបដិសេធបុរសជាគូស្នេហ៍

      -ទើបតែស្រឡាញ់គ្នាថ្មីៗ ៣ ខែដំបូង
       ក្នុងអំឡុងពេលនេះ ព្យាយាមទៅណាមកណាជាមូយគ្នាតែពីរ នាក់ឲ្យបានតិចបំផុត ព្រោះជាអំឡុងពេលដែលយើងទើបសាង

អនុស្សវរីយ៍ថ្មីថ្មោងហើយងាយនឹងផុយស្រួយបាក់បែកទៅវិញណាស់ ។       -អំឡុងពេលនេះអ្នកត្រូវបដិសេធបែបភាពឈ្លាសវៃ ៖
       -១ -ពេលទៅមើលភាពយន្ត : បើសិនមានឈុតឆាកស្នេហាក្តៅសាច់ក្នុងភាពយន្តអ្នក ត្រូវប្រញាប់និយាយទៅកាន់គេដើម្បីដាស់សតិអារម្មណ៍គេថាបុរសដែលធ្វើដូច្នេះ ហាក់បីដូច ជាគ្មានផ្តល់កិត្តិយសដល់គ្នាសោះ នេះបើជារឿងពិតនៅខាងក្រៅវិញប្រសិនបើខ្ញុំជួបរឿងបែប នេះខ្ញុំនឹងផ្តាច់ចំណងទាក់ទងគ្នាភ្លាម។ ខ្ញុំសង្ឃឹងថា អ្នកនឹងមិនធ្វើដូចក្នុងភាពយន្តនេះទេ។
       -២ - លួងលោមទៅកន្លែងស្ងាត់ដើម្បីចង់បានខ្លួនប្រាណ : អ្នកត្រូវបង្ហាញភាពប្រាកដ ប្រជានៃការបដិសេធ ហើយបង្ហាញឲគេឃើញពីភាពត្រឹមត្រូវរបស់អ្នកដែលមិនមែនជាស្រ្តីចិត្ត រាយមាយ។ អ្នកត្រូវប្រាប់គេដោយត្រង់ៗអំពីការផ្តាច់ទំនាក់ទំនងពីការរំលោភបំពាននេះ។
       ពេលនោះ អ្នកត្រូវដើរតួជាស្រីឆ្នាស ឬ កាច ប៉ុន្តែត្រូវឲស័ក្តិសមជាអ្នកម៉ឺងម៉ាត់ និង ប្រកបទៅដោយភាពរឹងប៉ឹង ។
       -៣ - ប្រើធម៌បង្រ្កាបមារខ្លះ : បើអ្នកគិតថាគូសង្សាររបស់អ្នកជាបុរសងប់ងុលនឹងតណ្ហា សុំឲ្យអ្នកដាក់សៀវភៅធម៌មួយក្បាលតូចៗ ​ជាប់ក្នុងកាបូបហើយ ត្រូវលើយកមកអានឲ្យញឹក ញាប់តាមដេលអាចធ្វើទៅបាន។ អ្នកត្រូវបង្ហាញប្រាប់គេថាក្នុងសៀវភៅមួយក្បាលនេះមាន ការអប់រំល្អៗដូចជា ការដាស់តឿនសតិអារម្មណ៍ ការគ្រប់គ្រងសតិខ្លួនឯងការមិនធ្វើឲខុស សីលធម៌ជាដើម ។
      -ក្រោយពីការសេពគប់ជាមួយគ្នាបាន ៦ខែ
       អំឡុងពេលនេះមនុស្សម្នាក់ៗតែងតែគិតថា គេបានស្គាល់ចិត្តគ្នាមួយរយះពេលគួរសម ដែរហើយអ្នកខ្លះអាចគិតថា គេប្រហែលជាមានចិត្តស្មោះជាមួយខ្លួនពិតប្រាកដ ។
      -អំឡុងពេលនេះ អ្នកគួរបដិសេធជាមួយគេ ដោយសម្អាងហេតុផលដូចជា ៖
       -១ - បើសិនគេសម្អាងថាយើងជាគូស្នេហ៍ជាមួយគ្នាមួយរយះពេល : ត្រូវប្រាប់ទៅគេវិញ ថាអ្វីៗមិនទាន់ដល់ពេលនៅឡើយ ព្រោះអ្នកធ្លាប់ជួបបញ្ហារបស់អ្នកដទៃជូរចត់ជាច្រើននាក់ មកហើយ ហើយខ្លួនអ្នកក៏មិនទាន់ចង់ធ្លាក់ខ្លួនដូចក្នុងចំណោមស្រ្តីរងគ្រោះទាំងនោះដែរ។
       -២ - បើគេគំរាមថា មិនប្រគល់ខ្លួននឹងផ្តាច់ទំនាក់ទំនង : អ្នកត្រូវប្រកាន់ភ្ជាប់នូវភាព មិនទន់ជ្រាយថា ត្រូវដើរទៅមុខ ឬត្រូវដើរផ្លូវបំបែកចេញពីគ្នា។ ក្រៅពីនេះ អ្នកត្រូវរកគន្លឹះ និយាយរកហេតុផលពីសេចក្តីស្នេហាដែលមិនមានភាពចាំបាច់ក្នុងរឿងនេះ និងជាពិសេស មិនទាន់ដល់ពេលត្រូវប្រញាប់ប្រញាល់គិតពីវា ។
       -៣ - បើគេជម្នះយកខ្លួនឲបាន : នេះជាចំណុចគ្រោះថ្នាក់ ហើយក៏ឈានដល់ផ្លូវបំបែក ចុងក្រោយបំផុតដែរ។ អ្នកត្រូវដោះស្រាយវាដោយភាពអង់អាចតបត ដូចជាលើកឡើងពីផ្លូវ ច្បាប់ ពីសិទ្ធិសេរីភាពស្រ្តី ជាដើម ។ បើគេជាមនុស្សមានឧត្តមគតិ មានស្មារតីភ្ញាក់រលឹក ឬសូម្បីតែភាពស្មោះត្រង់ក្នុងសេចក្តីស្នេហានោះ គេនឹងព្រមបញ្ឈប់សកម្មភាពនេះ ប៉ុន្តែផ្ទុយ មកវិញ គេជាមនុស្សក្រៅសង្គម ឬ គ្មានហេតុផលទេ។ អ្នកគួររកពេលប្រាប់ដល់គេឲ្យចាក ចេញឆ្ងាយពីជីវិតអ្នក ព្រោះទុកនាំតែអំពល់ទុក្ខ និង គ្រោះថ្នាក់ដល់ថ្ងៃក្រោយ ។
      -ចាប់ផ្តើមសេពគប់គ្នាពិតប្រាកដបានជាង ១ ឆ្នាំឡើងទៅ
       អំឡុងពេលនេះម្នាក់ៗទុកចិត្តគ្នាកាន់តែខ្លាំងឡើង និង ហាក់បីដូចជាអាចរួមរស់នៅ ជាមួយគ្នាក្នុងថ្ងៃអនាគតកាន់តែច្បាស់លាស់ ជាពិសេសទ្វាអាពាហ៍ពិពាហ៍ ក៏បើកចំហរង់ចាំ ស្រាប់ផង។
      -អំឡុងពេលនេះ អ្នកគួរបដិសេធបែបប្រើហេតុផលទន់ភ្លន់ ៖
       -១ - មិនលាក់លៀម : ប្រាប់ត្រង់ៗដោយឥតលាក់លៀមថាអ្នក និងគេបានស្រឡាញ់គ្នា មកច្រើនឆ្នាំហើយ ហេតុដូច្នេះ បើរង់ចាំបន្តិចទៀតគ្មានអ្វីខាតបង់ទេ​ ជាពិសេសទុកដល់ថ្ងៃ អាពាហ៍ពិពាហ៍ឈានមកដល់សិន ។
       -២ - ខ្ញុំមិនចង់ឲម្តាយខូចចិត្ត : �ម៉ាក់បានទុកចិត្តឲយើងទៅណាមកណាជាមួយគ្នាដល់ ថ្នាក់នេះហើយ អ្នកគួរតែផ្តល់កិតិ្តយសដល់គាត់ខ្លះផង� ។
       -៣ - លោកយាយកំពុងមានជំងឺ : ខ្ញុំមានរឿងរ៉ាវឈឺក្បាលក្នុងគ្រួសារច្រើនជាងនេះទៀត ទេហើយអ្នកត្រូវគិតពីសុខទុក្ខខ្ញុំខ្លះផង ៕