សង្គមស្រ្តីខែ្មរ: ចំណេះដឹងអំពីស្ត្រី

Showing posts with label ចំណេះដឹងអំពីស្ត្រី. Show all posts

Yingluck in the clear with [Thailand's] SEC

Yingluck Shinawatra, a prime minister candidate of opposition Pheu Thai party, greets from a helicopter upon her arrival for an election campaign rally in Chiang Mai province, northern Thailand Monday, June 13, 2011

(AP Photo/Wichai Taprieu)

Tul says verdict intended to 'protect' Shinawatras

14/06/2011
Bangkok Post

The Securities and Exchange Commission has cleared Pheu Thai Party's No.1 list candidate Yingluck Shinawatra of accusations that she broke securities law, insisting that its investigation into her had been concluded.

The SEC investigation was prompted by calls from two groups accusing her of making false transaction reports among other infractions in relation to securities she had allegedly held on behalf of her brother, ousted former prime minister Thaksin Shinawatra.

Kaewsun Atibhodhi, a member of the disbanded Assets Scrutiny Committee (ASC), and Tul Sitthisomwong, leader of the anti-red-shirt Network of Citizen Volunteers Protecting the Land, recently demanded that the SEC probe the alleged irregularities of Ms Yingluck's cases, which were related to an order by the Supreme Court's Criminal Division for Holders of Political Positions to seize 46 billion baht from Thaksin.

លំអិតព័ត៌មាន>>>

ស្ត្រីដែលប្រកបលក្ខណៈ៣១ប្រការ ហៅថាស្ត្រីគ្រប់លក្ខណ៍គឺ៖

១-មិនចេះអេចអូចនិយាយដើមគេ

២-ចេះគួរសមទទួលមាតា បិតា និងស្វាមី
៣-ដឹងគុណ តបគុណមាតា បិតា ញាតិសណ្តានទាំងពីរខាង
៤-មិនចេះដេកថ្ងៃ
៥-មិនវង្វេងភ្លេចមុខភ្លេចក្រោយ
៦-ចេះថែទាំរបស់ទ្រព្យ
៧-មិនផិតក្បត់ស្វាមី
៨-មិនចេះប្រច័ណ្ឌស្វាមី
៩-គ្មានកលមាយា
១០-មិនរំសាយសក់ឱ្យគេឃើញ
១១-មានចិត្តអត់ធន់ធ្ងន់ធ្ងរ
១២-មានជើងស្រាលមិនទន្ទ្រាំក្ឌុងក្ឌាំង
១៣-មិនឈរ ឬអង្គុយសម្ញែងកាយឱ្យគេឃើញ
១៤-មិនដើរញ៉ឹកញ៉ក់កាច់រាង
១៥-ចេះសង្រួមភ្នែក មិនក្រឡេករលឹមរលាម
១៦-មានដំណើរល្អ មិនគ្រលែងកាយ ជំទយគូទ
១៧-មិនបង់បោយញាក់ស្មា គ្រលែងដើមដៃ
១៨-មានសំឡេងតិចច្បាស់លាស់
១៩-មិនចេះឡេះឡោះលេងសើច
២០-មិននិយាយផ្តោះផ្តងចំពោះបុរស
២១-មិនទម្រន់ធ្វើការណា ធ្វើទាល់តែហើយការនោះ
២២-ទៅណាឆាប់ត្រឡប់មកវិញ
២៣-ចេះទុកដាក់អីវ៉ាន់ក្នុងពេលគួរទុក
២៤-ចេះរៀបចំផ្ទះសម្បែង
២៥-ចេះតុបតែងគ្រឿងឧបភោគ-បរិភោគ
២៦-ខ្លាចចិត្តស្វាមី មាតា បិតា ហើយគោរពតាមឱវាទ
២៧-បរិភោគចំណីអាហារក្រោយមាតា បិតា និងស្វាមី
២៨-ឈប់បរិភោគមុនមាតា បិតា និងស្វាមី
២៩-ដេកលក់ក្រោយស្វាមី
៣០-ភ្ញាក់មុនស្វាមី
៣១-មានមេត្តាករុណាចេះធ្វើបុណ្យទាន

លក្ខណៈបុរស-ស្ត្រីគ្រប់លក្ខណ៍តាមតម្រាបុរាណដូចបានជម្រាបជូន ខាងលើនេះ បើតាមសម័យបច្ចុប្បន្នឃើញថា មានលក្ខណៈខ្លះហួសសម័យទៅហើយ ។ ប៉ុន្តែទោះបីយ៉ាងណាក៏ដោយ បើបុរស-ស្ត្រីណាប្រកបដោយលក្ខណៈដូច បានបរិយាយជាគោលៗមកនេះ បុរស-ស្ត្រីនោះ គួររាប់ថាជាមនុស្សគ្រប់លក្ខណ៍ដោយបរិបូណ៌៕

តាមតម្រាបុរាណបានសរសេរថា បុរសដែលប្រកបដោយលក្ខណៈ២៦ប្រការ ហៅថាបុរសគ្រប់លក្ខណ៍គឺ៖

១-ឧស្សាហ៍ខ្នះខ្នែងធ្វើការងារ រៀនសូត្រមិនប្រកាន់ខ្លួន

២-មិនចេះលួចប្លន់កេងកិបឆរបោក
៣-មិនឈ្លានពានចំពោះកូនប្រពន្ធអ្នកដទៃ
៤-មិនរំភើបញាប់ញ័រភ័យផ្តេសផ្តាស
៥-មិននិយាយកុហកភូតភរឱ្យលើសពីការពិត
៦-មិននិយាយត្រាប់ឱ្យគេអៀនខ្មាស
៧-បានឮដំណឹងអ្វីហើយ វិនិច្ឆ័យសិនទើបជឿជាក្រោយ
៨-ធ្វើការងារមិនរួសរាន់ពេក
៩-មិនចេះនិយាយបំផ្លើសសើចលេង
១០-ចេះទទួលភ្ញៀវពន្លឺមិនរើសមុខ
១១-មានថ្នាំកែរោគបម្រុងមិនខ្វះក្នុងពេលត្រូវការ
១២-មិនប្រាប់ការណ៍សម្ងាត់ដល់អ្នកដទៃ
១៣-មិនផ្ញើរបស់ទុកនឹងបុគ្គលមិនគួរផ្ញើ
១៤-មានចិត្តអត់ធន់តស៊ូមិនរួញរាចំពោះកិច្ចការ
១៥-មានស្វាមីភក្តិចំពោះចៅហ្វាយ
១៦-មិនចេះឡិកឡក់ចំពោះស្រីក្រមុំ
១៧-ស្គាល់ចំណេញស្គាល់ខាត
១៨-រកប្រដាប់តុបតែងខ្លួនឱ្យភរិយាបុត្រធិតានិងខ្លួនឯង
១៩-មិនទិញជឿនូវរបស់ប្រើប្រាស់គ្រប់យ៉ាង
២០-ដឹងគុណតបគុណ សរសើរគុណនៃអ្នកមានគុណ
២១-គោរពតាមឱវាទមាតា បិតា ញាតិមិត្ត និងអ្នកប្រាជ្ញ
២២-ចេះអត់ទ្រាំស្តាប់នូវពាក្យដែលស្តីបន្ទោសប្រដៅ
២៣-មានកាយវាចាសមរម្យមិនឆ្គង
២៤-ឱ្យដំណឹងមនុស្សក្នុងផ្ទះហើយសឹមចេញទៅ
២៥-ចេះវាយប្រដៅកូនដោយរំពាត់យ៉ាងតូច
២៦-ខឹងឆាប់បាត់ មិនចងកំហឹងទុក

ប្រពៃណីលែងដើមទ្រូងទទេរបស់ស្ត្រីខ្មែរ

នៅតាមជញ្ជាំងប្រាសាទខ្មែរបុរាណនាសម័យ បុរេអង្គរ និងអង្គរ គេឃើញមានចម្លាក់បុរាណជាច្រើន ដូចជាព្រះទេពី ស្រីរាំ ឬទេពអប្សរ ព្រមទាំងប្រជានុរាស្ត្រដែលមានឋានៈខ្ពង់ខ្ពស់ជាទីបំផុត ឬក៏ឋានៈទាបស្ថិតនៅក្នុងឥរិយាបថលែងទ្រូងទទេដូចៗគ្នាដែរ ។ ឧទាហរណ៍ដ៏ជាក់ស្តែងមួយ គឺថាបើយើងក្រឡេកមើលចម្លាក់ព្រះនាងម្ចាស់ក្សត្រីឥន្ទ្រទេវី ដែលជាព្រះជាយារបស់ព្រះមហាក្សត្រខ្មែរដ៏ខ្លាំងពូកែកប់កំពូល គឺព្រះបាទជយវ័រ្មនទី ៧ យើងនឹងសម្គាល់ឃើញថា ព្រះនាងក៏ស្ថិតក្នុងឥរិយាបថខ្លួនទទេដែរ ។ ដោយឡែកតាមការ វិភាគរូបសំណាកនាសម័យនគរភ្នំពីស.វទី ១ ដល់ទី ៧ និងសម័យចេនឡាពីស.វទី ៧ ដល់ទី ៩ នៃគ.ស ក៏បានបញ្ជាក់នូវប្រពៃណីលែង ខ្លួននេះដែរ ។ យោងតាមប្រភពឯកសារបុរាណវិទ្យា យើងអាចសន្និដ្ឋានបានថាប្រពៃណីដោះអាវនេះមានតាំងពីសម័យ បុរេប្រវត្តិសាស្ត្រ មកម្ល៉េះ ។

ដូច្នេះ ទំនៀមទម្លាប់លែងខ្លួនរបស់ស្ត្រីខ្មែរ គឺជាប្រពៃណីទូទៅដែលមានតាំងតែ ពីបុរាណកាលមកគ្មានលក្ខណៈអាវាសែទេ ។ ម្យ៉ាងទៀតតាមរយៈឯកសារបានបញ្ជាក់ឱ្យដឹងថា កាលដែលគេឆ្លាក់រូបទេវតា ឬរូបមនុស្សនាសម័យបុរាណ គឺពុំមែនជារឿងប្រឌិតនោះទេ គឺជាប្រពៃណីពិតៗដែលទាក់ទងទៅនឹងប្រពៃណីដូនតាខ្លួន ។ អ្វីមួយដែលខុសនឹងចម្លាក់ ឬគំនូរនាសម័យទំនើបប្រកបដោយភាពស្រើបស្រាល ។

សូមបញ្ជាក់ថា ការដែលស្ត្រីខ្មែរដោះអាវ ឬអត់អាវ ចំហដើមទ្រូងឱ្យលេចសុដន់ទាំងគូនៅទទេបែបនេះ គឺមិនមែនមានន័យថា ស្ត្រីខ្មែរមិនចេះពាក់អាវនោះទេ នោះជាការនិយមឱ្យតម្លៃជាទូទៅក្នុងព្រះរាជនគរខ្មែរបុរាណរហូតដល់ សម័យបារាំងចូលស្រុក ទើបប្រពៃណីនោះក៏ត្រូវរអាក់រអួលទៅវិញ។

រហូតមកដល់ស.វទី ១៩ ស្ត្រីខ្មែរនៅតែនិយមប្រពៃណីដោះអាវនេះរហូត ទោះជាស្ថិតនៅក្នុងកាលៈទេសៈណាក៏ដោយ ព្រោះវាបានក្លាយទៅជាទម្លាប់ធម្ម ជាតិនៅគ្រប់ទីច្រកល្ហកទៅហើយ ប៉ុន្តែតាមលទ្ធផលនៃការស្រាវជ្រាវក្រោយមកទៀតទើបគេដឹងថាប្រពៃណីនេះ បានប្រែប្រួលបន្តិចម្តងៗរហូតដល់បាត់អស់នៅពេលដែលឥទ្ធិពលអឺរ៉ុបបានជះ មកលើសង្គមខ្មែរនាជំនាន់នោះ ។ ប៉ុន្តែជនជាតិខ្មែរដែលរស់នៅតាមតំបន់ព្រៃភ្នំនៅតែរក្សាប្រពៃណីនេះ បានគង់វង្សស្ថិតស្ថេររហូតមកដល់សព្វថ្ងៃនេះ ។

គួរបញ្ជាក់ផងដែរថា បងប្អូនខ្មែរលើទាំងនោះ ក៏ដូចជាបុព្វបុរសនាសម័យអង្គរ និងមុនអង្គរផងដែរ ។ កាយវិកាស្រាតននលដងខ្លួន ពុំមែនមានន័យថា ឆ្អេះឆ្អាបនោះទេ ក៏ប៉ុន្តែប្រកបដោយលក្ខណៈស្អាតស្អំបរិសុទ្ធ ។

សូមជម្រាបថាថ្មីៗនេះ អ្នកស្រាវជ្រាវថៃបានរកឃើញនូវរូបចម្លាក់បុរាណនាស.វទី ១២ តំណាងអ្នករបាំខ្មែរនាសម័យអង្គរពាក់អាវយ៉ាងស្តើងខុសពីស្ត្រី ទេពអប្សរមួយភាគធំដែលមាននៅលើប្រាសាទសិលាអង្គរ ឬវត្តបាពួន (ម.ត្រាណេ) ។

កិច្ចប្រជុំស្តីពីការលុបបំបាត់ការចម្លងមេរោគអេដស៍ពីមាតាទៅទារក

រូបភាពសារព័ត៍មានកោះសន្តិភាព

បុរីញូវយ៉ក ៖ សម័យប្រជុំពេញអង្គរបស់កិច្ចប្រជុំជាន់ខ្ពស់មហាសន្និបាតអង្គការសហប្រជាជាតិឆ្នាំ២០១១ ស្តីពីអេដស៍ បានប្រារព្ធពិធីបើកនៅទីស្នាក់ការកណ្តាលរបស់អង្គការសហប្រជាជាតិបុរីញូវយ៉ក សហរដ្ឋអាមេរិក នៅព្រឹកថ្ងៃទី៨ មិថុនា ឆ្នាំ២០១១ ។ ជាមួយនឹងកិច្ចប្រជុំជាន់ខ្ពស់ដ៏មានសារសំខាន់នេះ វេទិកាជាប្រវត្តិសាស្ត្ររបស់ស្ត្រីទី១ ទូទាំងពិភពលោក ដើម្បីលុបបំបាត់ការចម្លងថ្មីមេរោគអេដស៍ពីមាតាទៅកុមារ បានប្រារព្ធពិធីបើកជាផ្លូវការនៅរសៀលថ្ងៃទី៨ មិថុនា ដោយមានវត្តមានអញ្ជើញចូលរួមពីស្ត្រីទី១ ភរិយាថ្នាក់ដឹកនាំប្រមុខរដ្ឋ ប្រមុខរដ្ឋាភិបាល មកពីប្រទេសចំនួន២៧លើពិភពលោក និងពីតំណាងឥស្សរជនជាន់ខ្ពស់របស់រដ្ឋាភិបាល អង្គការជាតិ-អន្តរជាតិ និងសង្គមស៊ីវិលសរុបប្រមាណ៥០០នាក់ ។

ព្រឹត្តិការណ៍ដ៏មានសារសំខាន់ និងជាប្រវត្តិសាស្ត្រនេះប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់លោកជំទាវបាន ស៊ូនតេក (Ban Soon Taek) ភរិយាលោកបាន គីមូន អគ្គលេខាធិការអង្គការសហប្រជាជាតិ លោកជំទាវ វ៉ោយហ្សេរ៉ូ អាហ្ស៊ីប ម៉េសហ្វ៊ីន (Woizero Azeb Mesfin) ស្ត្រីទី១របស់ប្រទេសអេត្យូពី និងជាប្រធានអង្គការស្ត្រីនៅបណ្តាប្រទេសអាហ្វ្រិក លោកម៉ាយឃែល សាយឌីបេ (Michel Sidibe) នាយករដ្ឋប្រតិបត្តិនៃកម្មវិធីរួមរបស់អង្គការសហប្រជាជាតិស្តីពីមេរោគអេដស៍ និងជំងឺអេដស៍ និងលោកជំទាវកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ស្ត្រីទី១ របស់កម្ពុជា ភរិយាដ៏ឧត្តុង្គឧត្តមរបស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។

លំអិតព័ត៌មាន>>>

ពិធីការិនីអ៊ីន លក្ខិណា ជាតារាបង្ហាញម៉ូដនិងសម្តែង មានមន្តស្នេហ៍តាមរយៈថ្ពាល់ខួចនិងធ្មេញច្រពើ

រូបភាពកោះសន្តិភាព

ថ្ងៃសុក្រ ទី២៧ ខែឧសភា ឆ្នាំ២០១១ ម៉ោង ១៥:០៩

៖ ពិធីការិនី ព្រមទាំងជាតារាបង្ហាញម៉ូដនិងសម្តែងកាយវិការខារ៉ាអូខេដែលមានទឹកមុខញញឹមស្រស់រំលេចដោយស្នាមខួចថ្ពាល់ទាំងសងខាង និងធ្មេញច្រពើសនេះ គឺ កញ្ញាអ៊ីន លក្ខិណា មានអាយុ២៣ឆ្នាំ ។ នាងប្រាប់អ្នកយកព័ត៌មានកោះសន្តិភាពថា ក្រោយពីបែកបាក់ស្នេហាជាមួយឧកញ៉ាកំលោះដោយសារការប្រចណ្ឌមក ពេលនេះបេះដូងនាងនៅទំនេរស្អាត។ មានបុរសៗជាច្រើនទាំងក្នុងនិងក្រៅប្រទេស ជាពិសេសអ្នកនៅប្រទេសអូស្ត្រាលី និងសហរដ្ឋអាមេរិកចែចូវនាងតាមទូរស័ព្ទសុំរៀបការ ប៉ុន្តែនាងប្រាប់វិញថា នាងមិនទាន់ស្រឡាញ់អ្នកណាពិតប្រាកដទេ ព្រោះធ្លាប់ជួបវិបត្តិម្តងហើយ ។

កញ្ញាអ៊ីន លក្ខិណា ជាកូនអ្នករាជធានីភ្នំពេញ។ នាងមានបងប្អូន៤នាក់ ក្នុងនោះស្រី២នាក់ ចំណែកនាងជាកូនទី២ ។ ពីមុននាងធ្វើការនៅក្នុងក្រុមហ៊ុនមួយជាអ្នកទីផ្សារ តែក្រោយមកនៅឆ្នាំ២០០៧ នាងបោះជំហានចូលប្រឡូកក្នុងវិស័យសិល្បៈ ដោយដំបូងធ្វើជាពិធីការិនីប្រចាំកម្មវិធី To Day និងកម្មវិធីភីអាយធី ។ ក្រោយមកនាងក្លាយជាអ្នកដើរម៉ូដ និងសម្តែងកាយវិការខារា៉អូខេឱ្យផលិតកម្មទាំងក្នុងនិងក្រៅប្រទេសរ។ ក្រៅពីនេះនាងធ្លាប់ចូលរួមសម្តែងភាពយន្តភាគជាច្រើនរឿងដូចជារឿងទឹកចិត្តបងស្រី រឿងបិសាចអន្ទង់ រឿងគូព្រេងចម្លែក និងរឿងល្បិចស្រជាដើម។

កញ្ញាអ៊ីន លក្ខិណា ទន្ទឹមនឹងទទួលជោគជ័យលើវិថីសិល្បៈនាងបែរជាបរាជ័យស្នេហាជាមួយឧកញ៉ាវ័យក្មេង។ នៅពេលអ្នកយកព័ត៌មានសួរថា កន្លងមកឮគេនិយាយចេញពីរង្វង់សិល្បៈថា ការបែកបាក់ស្នេហារបស់នាងជាមួយលោកឧកញ៉ាក្មេងដោយសារតែនាងស្មាមួយចង់រែកអំរែកពីរ គឺទាក់ទងអ្នកមានទ្រព្យធននៅអូស្ត្រាលីម្នាក់ទៀត ។ កញ្ញាលក្ខិណា ឆ្លើយថា ការពិតពីមុននាងមានទំនាក់ទំនងស្នេហាជាមួយកំលោះម្នាក់នៅស្រុកខ្មែរយើងនេះ ហើយបានស្រឡាញ់គ្នារយៈពេលជិត១ឆ្នាំ ក៏បែកគ្នាវិញដោយសារគេប្រចណ្ឌ ព្រោះជឿតាមមិត្តភក្តិ។ចំពោះការលេចឮថា មានអ្នកអូស្ត្រាលីស្រឡាញ់នាងនោះ គឺមានមែន តែក្រោយពេលនាងបែកបាក់ពីបុរសដែលនាងគិត នាងស្រឡាញ់បំផុត ។

កញ្ញាអ៊ីន លក្ខិណា បញ្ជាក់ថា ក្រោយពីបែកសង្សារមកមានបុរសជាច្រើនមិនថា អ្នកស្រុកខ្មែរទេ សូម្បីតែខ្មែរយើងរស់នៅឯនាយសមុទ្រក៏សុំសេចក្តីស្រឡាញ់ពីនាងដែរ តែនាងមិនទាន់គិតថា ជ្រើសរើសយកមួយណាពិតប្រាកដទេ។
នៅពេលយើងសួរថា បើគូស្នេហ៍ចាស់សុំជួបជុំគ្នាវិញ តើនាងយល់ព្រមទេ? កញ្ញាអ៊ីន លក្ខិណា ឆ្លើយទាំងញញឹមថា «រឿងមុនចប់ហើយ មិនអាចត្រឡប់ក្រោយវិញបានទេ ខ្ញុំស៊ូទុកបេះដូងឱ្យទៅទំនេរព្រោះកន្លងមកខំស្មោះនឹងគេ តែគេបែរជាជឿមិត្តភក្តិ ហើយចោទនាងខ្ញុំថា ក្បត់ទើបនាងខ្ញុំមិនមានការសោកស្តាយទេ។ គ្រាន់តែស្តាយចិត្តខំស្រឡាញ់ខំស្មោះប៉ុណ្ណោះ»៕

ដួង ស្រីពេជ្រ តារាសម្តែងក្នុងរឿងភាគ «ភ័ព្វសំណាង»

រូបភាពកោះសន្តិភាព

ថ្ងៃសុក្រ ទី២៧ ខែឧសភា ឆ្នាំ២០១១ ម៉ោង ១៦:១៦

៖ កញ្ញាដួង ស្រីពេជ្រ នៅដើមឆ្នាំ២០១០ ពេលបញ្ចប់ការសិក្សាត្រឹមថ្នាក់ទី១២ បានសម្រេចចិត្តប្រឡងធ្វើជាពិធីការិនីនៅទូរទស្សន៍មួយជាប់ចំណាត់ថ្នាក់លេខ២ ។ តាំងពីនោះមកនាងបានបណ្តែតជីវិតចូលប្រឡូកក្នុងវិស័យសិល្បៈសម្តែងកាយវិការខារ៉ាអូខេឱ្យផលិតកមក្មទាំងក្នុងនិងក្រៅប្រទេស។ ក្នុងឆ្នាំ២០១១ នេះនាងមានឱកាសបានចូលរួមសម្តែងក្នុងខ្សែភាពយន្តភាគរឿង «ភ័ព្វសំណាង» ឱ្យស្ថានីយទូរទស្សន៍ CTN ។

កញ្ញាដួង ស្រីពេជ្រ ក្នុងទឹកមុខញញឹមប្រិមប្រិយ ប្រកបដោយសំដីទន់ភ្លន់ គួបផ្សំនឹងសម្លៀកបំពាក់ទាន់សម័យឱ្យដឹងថានាងមិនដែលចូលហាត់រៀនក្នុងក្លឹប ឬសាលាលសិល្បៈណាមួយទេ ។ នាងហាត់រៀនដោយខ្លួនឯងតាមការទស្សនាចម្រៀងកាយវិការខារ៉ាអូខេ និងភាពយន្ត។ លើសពីនេះពេលទៅថតម្តងៗអ្នកដឹកនាំសម្តែង និងតួសម្តែងរៀមច្បងតែងតែជួយពន្យល់ប្រាប់ពីលក្ខណៈសម្តែងទឹកមុខ និងកាយវិការ ធ្វើឱ្យនាងមានការរីកចម្រើនជាលំដាប់។ ដូច្នេះហើយនាងចាត់ទុកថា ការចូលរួមសម្តែងឱ្យផលិតកម្មនានាកន្លងមក ដូចជា ការហាត់រៀនមួយ ។

កញ្ញាដួង ស្រីពេជ្រ ថ្លែងបន្តថា ទោះបីជាការសម្តែងមានការលំបាកខ្លាំងយ៉ាងណាក៏ដោយ ក៏នាងនៅតែខិតខំប្រឹងប្រែងសម្តែងធ្វើយ៉ាងណាឱ្យមានកាយវិការរស់រវើក ។ បច្ចុប្បន្ននាងជាអ្នកសម្តែងទើបរះឡើងថ្មីមិនទាន់មានកេរ្តិ៍ឈ្មោះល្បីទេ តែនាងមានមោទនភាពនិងសប្បាយរីករាយជាខ្លាំង ព្រោះនាងបានក្លាយជាអ្នកសិល្បៈសម្តែងតាមបំណងរបស់នាងពីក្មេងមក។

ស្រីពេជ្រ និយាយថា ការចូលរួមប្រឡូកក្នុងវិស័យសិល្បៈមិនត្រឹមតែធ្វើឱ្យនាងសប្បាយចិត្តនោះទេ គឺបានចូលរួមលើកស្ទួយសិល្បៈវប្បធម៌ជាតិ និងរកបានប្រាក់កំរៃចិញ្ចឹមជីវិត ៕

ឈួន ស្រីម៉ៅ កុលាបបាត់ដំបងកំពុងរីកក្នុងសិល្បៈចំរៀង

រូបភាពព័ត៍មានកោះសន្តិភាព

ថ្ងៃព្រហស្បត្ត៏ ទី២៦ ខែឧសភា ឆ្នាំ២០១១ ម៉ោង ១៥:០៧

រាជធានីភ្នំពេញ ៖ កញ្ញា ឈួន ស្រីម៉ៅ ក្នុងវ័យ២៣ឆ្នាំ ជាអ្នកចំរៀងតាមគន្លងបងស្រីរបស់នាង គឺអ្នកនាងឈួន សុវណ្ណឆៃ។ ស្រីម៉ៅឧស្សាហ៍លេចមុខក្នុងកម្មវិធីប្រគំតន្ត្រីចុងសប្តាហ៍តាមស្ថានីយទូរទស្សន៍នានាដោយចូលចិត្តច្រៀង ទាំងបទមនោសញ្ចេតនា ទាំងបទចាស់សម័យដើមរបស់រាជិនីសំលេងមាស រស់ សេរីសុទ្ធា ។ កុលាបបាត់ដំបងដែលកំពុងរីកក្នុងស្រទាប់សិល្បៈនេះចាប់ផ្តើមចូលប្រឡូកក្នុងវិស័យសិល្បៈចំរៀង និងសំដែងកាយវិការខារ៉ាអូខេតាំងពីឆ្នាំ២០០៤មក។ នាងត្រូវបានផលិតកម្មជាច្រើនទាំងក្នុង និងក្រៅប្រទេសហៅឱ្យចូលរួមថតសំឡេងចូលស៊ីឌី និងសំដែងកាយវិការខារ៉ាអូខេតាមបទចំរៀងរបស់ខ្លួន។ ជាញឹកញាប់នាងតែងតែមានកិត្តិយសបានឡើងច្រៀងលើឆាកប្រគំតន្ត្រីចុងសប្តាហ៍តាមស្ថានីយទូរទស្សន៍នានា។

កញ្ញាឈួន ស្រីម៉ៅ ដោយសារមានរូបសម្ផស្សស្រស់ស្អាត មានទេពកោសល្យសំដែងល្អ និងមានទឹកដមសំលេងពីរោះធ្វើឱ្យប្រិយមិត្តទស្សនិកជនគាំទ្រយ៉ាងច្រើនរហូតមានកេរ្តិ៍ឈ្មោះល្បីទាំងក្នុង និងក្រៅប្រទេស។ កន្លងមកនាងធ្លាប់ចេញទៅសំដែងនៅប្រទេសបារាំង និងប្រទេសអូស្ត្រាលី ។ ទោះជាយ៉ាងណាក្តី ក្នុងឆ្នាំ២០១១នេះក្រោយពីបុណ្យចូលឆ្នាំថ្មីប្រពៃណីជាតិរួច នាងមានពេលទំនេរច្រើន គឺមិនទាន់ចេញសំដែង និងច្រៀងបទថ្មីឱ្យផលិតកម្មណាមួយទៀតទេ តែជារៀងរាល់ចុងសប្តាហ៍នាងតែងបង្ហាញមុខនៅលើឆាកប្រគំតន្ត្រីរបស់ទូរទស្សន៍នានា ។ នៅចុងឆ្នាំ២០១១ នេះនាងត្រៀមខ្លួនចេញទៅសំដែងនៅក្រៅប្រទេសម្តងទៀត តែមិនទាន់កំណត់ថា នឹងទៅប្រទេសណាទេ ។

ក្នុងវ័យ២៣ឆ្នាំស្រីម៉ៅនិយាយថា មានបុរសជាច្រើនសុំស្នេហាតែនាងមិនទទួលទេ ដោយបុរសទាំងនោះគ្មានចិត្តក្លាហានហ៊ានចូលស្តីដណ្តឹងនាងដល់មេបា គឺគ្រាន់តែសុំស្នេហាតាមផ្លូវខុសតម្រា ដូច្នេះនាងមិនបើកទ្វារបេះដូងជូនទេ ៕

បើបងមិនបានអូន! អូនក៏មិនអាចជួបអ្នកផ្សេងបានដែរ គឺមានតែចាក់សម្លាប់អូន ហើយបងធ្វើអត្តឃាត

នារីឈ្មោះឃុំ ស្រីយ៉ា អាយុ១៨ឆ្នាំ

បរុសឈ្មោះជា ថន អាយុ១៩ឆ្នាំ

ថ្ងៃសុក្រ ទី២៧ ខែឧសភា ឆ្នាំ២០១១ ម៉ោង ១៧:០១

ខេត្តតាកែវ ៖ ដោយក្តីស្នេហាដ៏លើសលប់មួយចំពោះនារីដែលខ្លួនស្រឡាញ់ស្មើកែវភ្នែក ហើយបែរជាឈឺចាប់ដោយសារតែនាងបែកផ្លូវធ្វើឱ្យយុវជនម្នាក់ដែលឈ្លក់វង្វេងនឹងមនោសញ្ចេតនាស្នេហាយ៉ាងងប់ងល់ទៅលើនាងនោះ ក្លាយជាឃាតកចាក់ប្រល័យជីវិតនាង ជាសង្សារ រួចធ្វើអត្តឃាតខ្លួនឯងតាមក្រោយ ដោយការលេបថ្នាំពុល ។ ការបញ្ចប់ជីវិតដែលបង្កើតឡើងដោយភាគីខាងប្រុសនេះ ដោយសារតែគេមានគំនិតអាត្មានិយមថា បើនាងមិនបានក្លាយជាប្រពន្ធរបស់គេទេ បុរសណាផ្សេងក៏មិនអាចយកនាងបានដូចគ្នា ដូច្នេះហើយទើបមានអត្តឃាតស្នេហាកើតឡើង ។

គូស្នេហ៍វ័យក្មេងនេះស្ថិតក្នុងវ័យសិក្សានៅឡើយ ហើយដោយសារមានចិត្តស្មោះចំពោះស្នេហ៍ ក៏មិនចង់ឱ្យនាងចាកចេញពីដើមទ្រូង ទើបភាគីខាងប្រុសហ៊ានលើកកាំបិតចាក់ប្រល័យជីវិតគូស្នេហ៍របស់ខ្លួនឥតស្រណោះអាឡោះអាល័យ រួចលេបថ្នាំពុលសម្លាប់ខ្លួនតាមក្រោយ។ ហេតុការណ៍នេះ បានកើតឡើងកាលពីថ្ងៃទី២៦ ឧសភា ឆ្នាំ២០១១ វេលាម៉ោង២និង១០នាទី រសៀល នៅផ្ទះលក់បាយក្នុងភូមិតាលឿ ឃុំឧត្តមសុរិយា ស្រុកត្រាំកក់ ។

លោកវរសេនីយ៍ត្រីញ៉ែម សឿន អធិការនគរបាលស្រុកត្រាំកក់ មានប្រសាសន៍ថា នារីជាគូស្នេហ៍ដែលត្រូវប្រុសស្នេហ៍របស់ខ្លួនចាក់សម្លាប់នេះឈ្មោះឃុំ ស្រីយ៉ា អាយុ១៨ឆ្នាំ ជាសិស្សថ្នាក់ទី១១F វិទ្យាល័យសុខ អាន ១ ឧសភា រស់នៅភូមិម្រុម ឃុំតាភេម ស្រុកត្រាំកក់ ត្រូវសង្សារយកកូនកាំបិតចុងស្រួចចាក់ចំនួន៦កាំបិត ចំថ្ពាល់ស្តាំ ដើមទ្រូង ដើមដៃសងខាង និងបបូរមាត់របួសធ្ងន់ និងបានស្លាប់បន្ទាប់ពីបញ្ជូនដល់មន្ទីរពេទ្យបង្អែកត្រាំកក់ ។ ចំណែកប្រុសស្នេហ៍ដែលលេបថ្នាំបំពុលកណ្តុរបញ្ចប់ជីវិតតាមក្រោយឈ្មោះជា ថន អាយុ១៩ឆ្នាំ ជាសិស្សថ្នាក់ទី១០A នៅវិទ្យាល័យតេជោហ៊ុន សែន អង្គតាសោម បានស្លាប់បន្ទាប់ពីបញ្ជូនដល់មន្ទីរពេទ្យបង្អែកត្រាំកក់ ។ ប្រុសស្នេហ៍ដែលបង្កើតសោកនាដកម្មស្នេហានេះ ក៏បានបន្សល់ទុកសំបុត្រមួយច្បាប់សរសេររៀបរាប់ប្រវត្តិស្នេហ៍របស់ពួកគេទាំង២នាក់កន្លងមកហើយចំណុចដែលរៀបរាប់នោះ ចង់បានបង្ហាញពីការឈឺចាប់ ដោយសារតែនាងបានងាកទៅរកគូថ្មី ។

លំអិតព័ត៌មាន>>>

“ម៉ែអត់ចេះអក្សរ តែម៉ែបង្រៀនកូនអោយចេះធ្វើជាមនុស្ស”

រូបថតភាពយន្ត

ខ្ញុំ កូនទី២ក្នុងចំណោមបងប្អូន៤នាក់ សុទ្ធតែជាកូនប្រុសទាំងអស់ដែលធ្វើអោយបន្ទុកម៉ែកាន់តែធ្ងន់។ប៉ា ជាមន្ត្រីរាជការ ឯម៉ែលក់ដូរនៅផ្ទះ។កាលពីតូចខ្ញុំតូច ចិត្តដែលត្រូវក្រោកជួយធ្វើម្ហូប (ម៉ែ លក់បាយ)និងរត់តុ។ខ្ញុំត្រូវពួកម៉ាក ចំអន់ថាខ្ញុំធ្វើការដូចក្មេង ស្រីហើយខ្ញុំនឹងក្លាយជាខ្ទើយ។អាយុ១៣ឆ្នាំ ខ្ញុំធ្លាប់សុំម៉ែឈប់រៀនម្ដងដោយសារបងច្បងជាប់ប្រលងបាក់ឌុបហើយ ការងារផ្ទះត្រូវធ្លាក់មកលើខ្ញុំទាំងស្រុង។ពេលហ្នឹងយើងពិបាក គ្រប់គ្នា ប្អូនពៅខ្ញុំកើតគ្រុនឈាម គេងនៅពេទ្យជិតមួយខែ ម៉ែទៅម៉ោៗដោយសារត្រូវឆ្លាស់គ្នាទៅមើលថែ វា ហើយបន្តលក់បាយថ្ងៃត្រង់ផង។ប្រាក់ខែប៉ាតិចហួសហើយបើកមិនទៀង ទៀត។

លំអិតព័ត៌មាន>>>

ស្ត្រីប្រេស៊ីលអាយុ១១៤ឆ្នាំក្លាយជាមនុស្សចាស់ជាងគេបំផុតនៅលើពិភពលោក

លោកយាយ Maria Gomes Valentim ដែលមានអាយុ១១៤ឆ្នាំ

អង្គការកំណត់ត្រាប្លែកៗពិភពលោក(Guinness World Records ) បាននិយាយថា លោកយាយ Maria Gomes Valentim ជនជាតិប្រេស៊ីលអាយុ១១៤ឆ្នាំ គឺជាមនុស្សវ័យចំណាស់ជាងគេបំផុតនៅលើពិភពលោក។
លោកយាយ Maria Gomes Valentim ដែលមានអាយុ១១៤ឆ្នាំនិង៣១៣ថ្ងៃរូបនេះ គឺមានអាយុចាស់ជាង លោកស្រី Besse Cooperមកពីទីក្រុងMonroe រដ្ឋ Georgia ចំនួន៤៨ថ្ងៃ ។ លោកស្ត្រី Besse Cooper ត្រូវបានគេចាត់ទុកថាជាមនុស្សចាស់ជាងគេបំផុតនៅលើពិភពលោកកាលពី ពេលមុន។
អង្គការកំណត់ត្រាប្លែកៗពិភពលោក បានបញ្ជាក់ថា លោកយាយ Maria Gomes Valentim បានកើតនៅថ្ងៃទី៩ខែកក្កដាឆ្នាំ១៨៩៦នៅទីក្រុងCarangola ក្នុងរដ្ឋ Minas Gerais ប្រទេសប្រេស៊ីលជាទីដែលគាត់បានកំពុងរស់នៅ។
លោកយាយ Maria Gomes Valentim ធ្វើអោយអាយុគាត់កាន់វែងបែបនេះ ដោយសារតែគាត់បរិភោគនំប៉័ងរាល់ថ្ងៃជាមួយផ្លែឈើសំរាប់អាហារពេលព្រឹក ហើយពេលខ្លះក៏គាត់ផឹកស្រាបន្តិចបន្តួចផងដែរ។

អ៊ិត ស្រីពីន មានផ្ទៃពោះ តែមិនដឹងថា នរណាជាឪពុក

សរសេរដោយ ភ្នំពេញដេលីញូវ

អ៊ិត ស្រីពីន បានបាត់មុខ ពីស្រុកខ្មែរ ជិតមួយឆ្នាំហើយ មិត្តភក្តិនាងភាគច្រើន សុទ្ធតែមិនដឹងថា នាងចេញទៅណាទេ តាមពិត អ៊ិត ស្រីពីន បានចាកចេញទៅ សហរដ្ឋអាមេរិក កាលពី ថ្ងៃទី ១១ ខែឧសភា ដើម្បីសម្រាលកូន នៅទីនោះ ។ នាងនឹង ត្រឡប់មកស្រុកខ្មែរវិញ នៅឆ្នាំក្រោយបន្ទាប់ពី សម្រាលកូនរួច ។ មានផ្ទៃពោះ តែមិនដឹងថានរណា ជាឪពុក នេះបើតាមការផ្សាយ របស់ ទស្សនាវដ្តីប្រជាប្រិយ ច្បាប់ចេញផ្សាយ ចុងក្រោយ។ ។មានព័ត៌មានថា អ៊ិត ស្រីពីន កំពុងរស់នៅអាមេរិក ជាមួយគូស្នេហ៍ យ៉ាងមានសេក្តីសុខហើយចុងក្រោយនេះ យើងទទួលបានព័ត៌មានថា នាង និងគូស្នេហ៍ទទួលបាន ចំណងដៃពិសេសមួយ ពីព្រោះពេលនេះ នាងកំពុងមានផ្ទៃពោះ ជិតបីខែហើយ ។ទោះបីជានាងបាន ទៅដល់អាមេរិក និង សម្រាលកូន នៅទីនោះក៏ដោយ ក៏នាងបានប្រាប់ មិត្តភក្តិនាងថា នាងនឹងវិលមកវិញ មិនរស់នៅទីនោះ ជាប់រហូតទេ ។ បើតាមគេដឹង មូលហេតុដែល អ៊ិត ស្រីពីន មិនទាន់សម្រេចចិត្ត រស់នៅទីនោះ ពិត ប្រាកដ ដោយសារនាង មានកូនពីរនាក់ទៀត ជាបន្ទុកនៅស្រុកខ្មែរ ។ ប្រភពរូបនោះ បន្តទៀតថា ប្រុសស្នេហ៍ អ៊ិត ស្រីពីន ស្រឡាញ់នាងខ្លាំងណាស់ រៀងរាល់ពេលទំនេរ ពីការសម្តែង ពួកគេតែងតែ បណ្តើរគ្នាទៅលេង នៅតាមតំបន់ ទេសចរណ៍ជា ច្រើន ។ អ៊ិត ស្រីពីន ជាតារាចម្រៀង ដែលមានជីវិតរស់នៅ ដូចជនបរទេស ពិសេសជនជាតិអឺរ៉ុប ពីព្រោះនាងមិនដែល បានចូលរោងការទេ ទោះបីជានាង មានកូនពីរនាក់ ហើយក៏ដោយ ៕

ទេពីបដិសេធថានាងមិនមែន Lesbian

ភ្នំពេញ: អ៊ិន វរលក្ខណ៍ទេពី បានបដិសេធថានាងមិនមែនស្រីស្រឡាញ់ស្រី (Lesbian ) ដូចគ្នាទេ ហើយនាងប្រាប់អ្នកកាសែតថា “កុំសង្ស័យអ៊ីចឹងទៀត!” ។
ទេពី ត្រូវបានអ្នកកាសែតឈ្លេចសួរពីរឿងនេះ ពេលដែលជាញឹកញាប់គេប្រទះឃើញនាងជិះឡាន Range Rover ជាមួយនារីម្នាក់ ។ ករណី Lesbian ក្នុងជួរតារាសម្ដែងខ្មែរមិនមែនជាករណីកម្រនោះទេ ។
ជាការឆ្លើយការពារ នាង អ៊ិន វរលក្ខណ៍ទេពី និយាយថា ស្ដ្រីដែលជាម្ចាស់ឡាន Range Rover ដែលនាងជិះជាមួយនោះ គឺជាបងប្អូនជីដូនមួយរបស់នាង ។ អ៊ិន វរលក្ខណ៍ទេពី បានជាប់ជាស្រីស្អាតលេខ ១ របស់ស្ថានីយទូរទស្សន៍ CTN កាលពីឆ្នាំ ២០០៥ ។ នាងបានពួនសម្ងំក្រោយពេលមានរឿងអាស្រូវរឿងបុរសអាមេរិកដើមកំណើតខ្មែរ ម្នាក់បានចោទនាងនៅតុលាការ ថានាងបានយកសម្រស់ទាក់ទងខ្លួន ហើយបោកយកប្រាក់អស់ ៣ ម៉ឺនដុល្លារ ។ ក្រោយមកនាងទេពី ក៏បានប្ដឹងតបវិញ ៕

ជិន ស្រីណែត ដើរតាមគន្លងបងស្រី ជិន សេរីយ៉ា

ថ្ងៃអង្គារ ទី២៤ ខែឧសភា ឆ្នាំ២០១១ ម៉ោង ១៦:០២(ព័ត៍មានកោះសន្តិភាព)

រាជធានីភ្នំពេញ ៖ កញ្ញាជិន ស្រីណែត ក្នុងវ័យ២៤ឆ្នាំ ប្រកបដោយទឹកមុខញញឹមស្រស់សោភា ជាប្អូនស្រីរបស់តារាចំរៀងជិន សេរីយ៉ា។ ស្រីណែតបានចូលប្រឡូកក្នុងពិភពសិល្បៈចំរៀងតាមគន្លងបងស្រីតាំង ពីឆ្នាំ២០០៦ រហូតមកដល់ពេលនេះរយៈពេលជិត៥ឆ្នាំហើយ។ ក្នុងអាជីពនេះនាងមិនទាន់មានកេរ្តិ៍ឈ្មោះបោះសម្លេងដូចជាបង ស្រីទេ។
កញ្ញា ជិន ស្រីណែត មានទឹកដមសម្លេងពីរោះរណ្តំចិត្ត អាចបំពេអារម្មណ៍ប្រិយមិត្តអ្នកស្តាប់ឱ្យអណ្តែតអណ្តូងហោះហើរទៅ តាមអត្ថន័យនៃបទចំរៀង ហើយថែមទាំងមានកាយវិការរស់រវើក ។ ថ្វីដ្បិតតែស្រីណែតជាអ្នកចំរៀងនៅតាមភោជនីយដ្ឋានមិនទាន់បាន ថតសម្លេងចូលសីុឌី តែនាងអាចច្រៀងបានពីរោះទាំងបទមនោសញ្ចេតនា និងបទឌីស្កូញ័រញាក់កន្ត្រាក់អារម្មណ៍។

តារាចំរៀងសិចស៊ីរូបនេះកន្លងមកធ្លាប់ឡើង ច្រៀងនៅលើឆាកប្រគំតន្ត្រីចុងសប្តាហ៍តាមកម្មវិធីទូរទស្សន៍ម្តង ម្កាល ប៉ុន្តែក្នុងឆ្នាំ២០១១នេះគេខានឃើញនាងឡើងច្រៀង។ ទោះបីបាត់មុខតាមកញ្ចក់ទូរទស្សន៍ តែនាងនៅតែប្រកបអាជីពជាអ្នកចំរៀងនៅតាមភោជនីយដ្ឋានដដែល។ នាងអះអាងថា ការដែលនាងមិនបានឡើងច្រៀងជាកិត្តិយសក្នុងកម្មវិធីប្រគំតន្ត្រី តាមទូរទស្សន៍ ដោយសារនាងជាប់រវល់លក់ដូរនៅផ្ទះ។

កញ្ញាជិន ស្រីណែត និយាយថា ទោះបីជានាងមិនទាន់ទទួលកេរ្តិ៍ឈ្មោះល្បីក្នុងពិភពសិល្បៈដូចបង ស្រីនាងក៏ដោយ ក៏នាងសប្បាយចិត្តដែរ ដែលបានបន្តវេនពីបងស្រី ហើយធ្លាប់បានចូលរួមសម្តែងកាយវិការខារ៉ាអូខេឱ្យផលិតកម្ម ក្រៅប្រទេសមួយចំនួន ។ កញ្ញាជិន ស្រីណែត ឱ្យដឹងពីអ្នកនាងជិន សេរីយ៉ាថា សព្វថ្ងៃរស់នៅសហរដ្ឋអាមេរិកជាមួយស្វាមីប្រកបដោយសុភមង្គល ខណៈមានកូនប្រុស២នាក់ហើយ។ អ្នកនាងសេរីយ៉ាត្រៀមមកលេងស្រុកនាពេលឆាប់ៗខាងមុខនេះ ៕

ជួន ថាវរ៉ា បញ្ជាក់ថាបេះដូងនៅបរិសុទ្ធ

ថ្ងៃអាទិត្យ ទី២២ ខែឧសភា ឆ្នាំ២០១១ ម៉ោង ១៦:២២(ព័ត៍មានកោះសន្តិភាព)

រាជធានីភ្នំពេញ ៖ អ្នកបង្ហាញម៉ូដ និងសម្តែងភាពយន្តមានទឹកមុខញញឹមជានិច្ច រំលេចដោយភាពសិចស៊ី កញ្ញាជួន ថាវរ៉ា បានសារភាពថា នាងមានបុរសតាមសុំស្រលាញ់រហូតសន្យាទិញរថយន្តទំនើបឱ្យនាង ជិះទៀតផង ប៉ុន្តែនាងមិនព្រម គឺបេះដូងរបស់នាងនៅទំនេរស្អាត គ្មានជាប់ពាក់ព័ន្ធជាមួយបុរសណាម្នាក់ទេ ផ្ទុយពីព័ត៌មានលេចឮថា នាងបាត់មុខមួយរយៈកន្លងមកនេះ ដោយសារតែនាងមានម្ចាស់ស្នេហ៍ហើយគេហាមមិនឱ្យនាង ចាប់អាជីពជាតារាសម្តែង និងបង្ហាញម៉ូដបន្តទៀត ។នៅពេលជួបអ្នកយកព័ត៌មានយើងផ្ទាល់ កញ្ញាជួន ថាវវ៉ា ក្នុងវ័យ២៤ឆ្នាំ បានសម្តែងការហួសចិត្តចំពោះព័ត៌មានថា នាងមានម្ចាស់ស្នេហ៍ចិញ្ចឹម តែតាមពិតទៅ ការបាត់មុខនាងពីរង្វង់សិល្បៈសម្តែងមួយរយៈកន្លងមក ដោយសារតែនាងជាប់រវល់បើករបររកស៊ីមួយមុខទៀត គឺបើកកន្លែងអ៊ុតសក់ ។ ដោយជាប់រវល់ការងារទើបនាងឃ្លាតពីសិល្បៈមួយរយៈតូច។ ចំពោះរឿងគូប្រចាំចិត្តនាងអះអាងថា មិនទាន់ជាប់ពាក់ព័ន្ធ ហើយគ្មានអ្នកឃុំគ្រងបេះដូងនាងទេ ។ នាងមិនមែនបិទបេះដូងទេ គឺបេះដូងបើកទ្វារចំហរង់ចាំទទួលគ្រប់ពេលសម្រាប់បុរសដែលមាន បំណងប្រាថ្នាពិតប្រាកដចំពោះរូបនាង។ បើសិនជាបុរសនោះនាងពេញចិត្តនឹងប្រគល់បេះដូងជូនភ្លាម ព្រោះមនុស្សប្រុស-ស្រីកើតមកតែងតែមានគូ ។

កញ្ញាជួន ថាវរ៉ា បានចូលប្រឡូកក្នុងវិស័យសិល្បៈបង្ហាញម៉ូដ និងសម្តែងកាយវិការ និងភាពយន្តតាមនិស្ស័យស្រលាញ់ចូលចិត្តរបស់នាង និងតាមរយៈការហ្វឹកហាត់នៅសាកលវិទ្យាល័យភូមិន្ទវិចិត្រ សិល្បៈ ផ្នែករបាំរយៈពេល៥ឆ្នាំ និងនៅក្នុងក្លឹបសិល្បៈមួយ ។ នៅឆ្នាំ២០០៣ នាងចាប់ផ្តើមចូលប្រឡូកសិល្បៈដោយថតឱ្យផលិតកម្មទាំងក្នុង និងក្រៅប្រទេស ។ នាងបានចូលរួមសម្តែងភាពយន្តប្រមាណជាង២០រឿង ដូចជារឿង «ឡានខ្មោច» ឱ្យទូរទស្សន៍ប៉ុស្តិ៍លេខ៥ រឿង «លងបំភ័យ» រឿង «ភូមិខ្មោច» រឿង «ខ្មោចទឹក» រឿង «គូព្រេងចម្លែក» រឿង «ទឹកចិត្តបងស្រី» រឿង «ភ័ព្វសំណាង» រឿង «អច្ឆរិយស្នេហ៍» និងរឿង «ឧកញ៉ារាមរាជតេជោយ៉ត» ជាដើម ។

កញ្ញាជួន ថាវរ៉ា មានកម្ពស់១,៦៨ម៉ែត្រ ទម្ងន់៥១គីឡូក្រាម ទ្រូងទំហំ៣៤ ចង្កេះ២៧ ត្រគាក ៣៧ ។ នៅថ្ងៃអនាគតនាងចង់ក្លាយជាអ្នកជំនួញ និងសិល្បៈ ដែលមានកេរ្តិ៍ឈ្មោះល្បី៕

នាង ជួន ចាន់រតនា ហៅក្អយ អតីតតារាកំប្លែង វ័ណ្ឌកដោយសារតែការជួលរថយន្តគេយកទៅបញ្ចាំ សំណុំរឿងច្រើនស្ថិតនៅក្នុងដៃចៅក្រម និងព្រះរាជអាជ្ញា

ថ្ងៃចន្ទ ទី២៣ ខែឧសភា ឆ្នាំ២០១១ ម៉ោង ១៥:៥៥(ព័ត៍មានកោះសន្តិភាព)

រាជធានីភ្នំពេញ ៖ កោះសន្តិភាពបានចុះផ្សាយលេខម្សិលមិញ ស្តីពីនាងជួន ចាន់រតនា ហៅក្អយ តារាកំប្លែងដែលបាត់បង់ប្រជាប្រិយភាព ត្រូវតំណាងអយ្យការ គឺលោកគ្រី សុខអ៊ី ព្រះរាជអាជ្ញារងសាលាដំបូងរាជធានីកោះហៅឱ្យចូលខ្លួននៅថ្ងៃទី ១៩ ឧសភា ដើម្បីសាកសួរលើបណ្តឹងរបស់ឈ្មោះទៀង គង់ ពីករណីរំលោភលើសេចក្តីទុកចិត្ត។ នាងក្អយ មិនបានមានវត្តមានតាមដីការបស់តំណាងអយ្យការទេ។ ប្រភពព័ត៌មានឱ្យដឹងថា នាងក្អយ បានបន្តបន្ថែមសេរ៉ូមដោយអះអាងថា អាការរោគនៅមិនទាន់ធូរស្បើយ ឬក៏អាចនិយាយបានថា នាងក្អយបន្ថែមសេរ៉ូមកាន់តែច្រើនបើមានដីកាកោះហៅកាន់តែច្រើន នោះ។

ខណៈពេលដីកាកោះឱ្យចូលខ្លួនរបស់លោកគ្រី សុខអ៊ី ព្រះរាជអាជ្ញារងពុំមានប្រសិទ្ធភាព ដោយមូលហេតុនាងក្អយមិនគោរព ឬក៏យកលេសព្យួរសេរ៉ូមនោះ នៅព្រឹកថ្ងៃទី១៩ ឧសភា លោកសុខ រឿន ព្រះរាជអាជ្ញារងអមសាលាដំបូងរាជធានីភ្នំពេញ ដែលមានឥទ្ធិពលជាងគេក្នុងចំណោមព្រះរាជអាជ្ញារងទាំងអស់បានចេញ ដីកាថ្មីមួយទៀតកោះហៅនាងក្អយ ឱ្យចូលខ្លួននៅថ្ងៃទី២៧ ឧសភា ខាងមុខ។ ដីកាកោះហៅឱ្យចូលខ្លួនរបស់លោកព្រះរាជអាជ្ញារង សុខ រឿន ក៏មិនខុសពីដីកាកោះរបស់លោកគ្រី សុខអ៊ី ដែរ គឺហៅនាងក្អយ ឱ្យចូលឆ្លើយបំភ្លឺរឿងរំលោភលើសេចក្តីទុកចិត្ត។

លំអិតព័ត៌មាន>>>

សាសាមានការគាំទ្រច្រើនជាងមុនពេលចូលច្រៀងនៅផលិតកម្មTown

ថ្ងៃពុធ ទី១៨ ខែឧសភា ឆ្នាំ២០១១ ម៉ោង ១៦:៣៧(ព័ត៍មានកោះសន្តិភាព)

រាជធានីភ្នំពេញ ៖ ក្រោយពេលផ្លាស់ទៅផលិតកម្មថ្មីកញ្ញាសាសា ហាក់ទទួលបានការគាំទ្រច្រើនជាង បើប្រៀបធៀបទៅនឹងទ្រនំចាស់ ដែលជាកំណើតដំបូងនៃជីវិតចម្រៀងរបស់នាង។ ផលិតកម្មដែលសាសាកំពុងយកធ្វើជាទ្រនំនោះ គឺផលិតកម្ម Town ដែលរួមមានតារាចម្រៀងល្បីៗជាច្រើនដួងផងដែរ ដូចជាកញ្ញា មាស សុខសោភា និងលោកករុណា ពេជ្រ ជាដើម ។ ជួបជាមួយកោះសន្តិភាព តារាចម្រៀងរូបស្រស់សាសានិយាយថា នាងប្រាកដជាទទួលបានការគាំទ្រច្រើនជាងមុនក្នុងពេលផ្លាស់មក នៅផលិតកម្ម Town រួមជាមួយមិត្តភក្តិរបស់នាង គឺកញ្ញាមាស សុខសោភា ។ ក្រោយពេលចូលច្រៀងឱ្យផលិតកម្ម Town មានក្រុមហ៊ុន និងស្ថានីយទូរទស្សន៍មួយចំនួនធំអញ្ជើញនាងឱ្យទៅច្រៀងជាបន្តបន្ទាប់ ហើយពេលដែលនាងច្រៀងម្តងៗ ទស្សនិកជនគាំទ្រយ៉ាងខ្លាំង។

តាមពិតទៅអ្វីដែលសាសាបាននិយាយ គឺដូចគ្នានឹងការលើកឡើងរបស់ប្រិយមិត្តយុវវ័យ ដែលថា សាសាចាប់ផ្តើមល្បីខ្លាំងតាមរយៈបទ «បែកគ្នាព្រោះអ្នកទី៣» របស់ផលិតកម្ម Town ។ ចំណែកវ៉ុលទី៨ដែលជាវ៉ុលថ្មីរបស់ផលិតកម្មនេះ បទចម្រៀងពីរបទរបស់សាសាកំពុងទទួលបានការគាំទ្រយ៉ាងខ្លាំង នោះគឺបទ«មេរៀនទឹកភ្នែក» និងបទ «អស់ការអត់ធ្មត់»ដែលគេគិតថា នឹងនាំឱ្យកេរ្តិ៍ឈ្មោះសាសាកាន់តែលេចត្រដែតក្នុងវិស័យសិល្បៈ ចម្រៀងនៅកម្ពុជា ។
សាសាកំពុងតែមានការមមាញឹកខ្លាំងចំពោះការងារសិល្បៈដែលក្រៅពី ថតបទចម្រៀងឱ្យផលិតកម្ម Town គឺនាងបានច្រៀង ឱ្យក្រុមហ៊ុនផ្សាយពាណិជ្ជកម្មច្រើនទៀតដូចជាក្រុមហ៊ុន Cell Card និងក្រុមហ៊ុន Beeline ជាដើម ។

ពាក់ព័ន្ធបញ្ហាស្នេហាដែលបានលេចឮជាបន្ត បន្ទាប់នោះ សាសាបានសម្តែងនូវការពិតថា នាងពិតជាមានអ្នកដែលតាមស្រឡាញ់មែន ហើយគេជាមនុស្សសមរម្យម្នាក់ ។
ចំពោះការចុះផ្សាយតាមរយៈ សារព័ត៌មានកន្លងទៅថា នាងទទួលបានកាដូពីបុរសអ្នកមានទ្រព្យសម្បត្តិម្នាក់នោះ គឺជាការចុះផ្សាយមិនចំការពិត ។ នាងបញ្ជាក់ថា ការប្តូរម៉ូដរថយន្ត គឺជាការចំណាយប្រាក់របស់ឪពុកម្តាយរួមនិងប្រាក់សន្សំរបស់នាងពីមុខ របរប្រចាំថ្ងៃប៉ុណ្ណោះ។
ចំពោះបុរសដែលមានទំនាក់ទំនងជាមួយនាងនោះ សាសាប្រាប់ថា គេគឺជាអ្នករកស៊ីម្នាក់ មិនមែនជាអ្នកសិល្បៈដូចរូបនាងទេ ព្រោះតែអ៊ីចឹងហើយបានជានាងមិនទាន់ហ៊ានអះអាងថា នៅថ្ងៃអនាគតនឹងមានការប្រែប្រួលយ៉ាងណានោះ ។ តែនាងគិតថា បញ្ហាអនាគត គឺទុកឱ្យព្រហ្មលិខិតជាអ្នកកំណត់។
តាមប្រវត្តិ កញ្ញាសាសាបានចូលប្រឡូកក្នុងវិស័យសិល្បៈនៅឆ្នាំ២០០៥ ដែលកាលណោះនាងជាតារាសម្តែង ។ ក្រោយមកប្រហែលជាក្នុងឆ្នាំ២០០៧ នាងចូលសាកល្បងច្រៀងឱ្យ ផលិតកម្មក្លាស៊ីក ។ នាងបំពេញការសិក្សាបានត្រឹមតែថ្នាក់ទី១២ប៉ុណ្ណោះ និងមិនទាន់បន្តការសិក្សាជាទៀតនៅឡើយទេ ៕

ង៉ែត លីតា បង្ហាញខ្លួនតាមកញ្ចក់ទូរទស្សន៍ត្រៀមថតសម្លេងចូលស៊ីឌី

ថ្ងៃព្រហស្បត្ត៏ ទី១៩ ខែឧសភា ឆ្នាំ២០១១ ម៉ោង ០៩:២៤(ព័ត៍មានកោះសន្តិភាព)

រាជធានីភ្នំពេញ ៖ កញ្ញាង៉ែត លីតា ក្នុងវ័យ២១ឆ្នាំ ដែលមានស្រុកកំណើតនៅខេត្តព្រះសីហនុ គឺជាអ្នកចម្រៀងថ្មីទើបរះឡើងតាមរយៈការប្រឡងចម្រៀងក្នុង កម្មវិធីស្ថានីយទូរទស្សន៍ CTN កាលពីឆ្នាំ២០០៧ ដោយច្រៀងជាក្រុម មានគ្នា៤នាក់ ។
កញ្ញាលីតា និយមចូលចិត្តច្រៀងមិនប្រកាន់បទចាស់ពីសម័យមុន បែបមនោសញ្ចេតនាឬបទសម័យថ្មីបច្ចុប្បន្នបែបឌីស្កូញ័រញាក់ កន្ត្រាក់អារម្មណ៍ទេ ។ រយៈពេលប៉ុន្មានឆ្នាំមកនេះ នាងច្រៀងឱ្យក្រុមហ៊ុនជាច្រើននៅតក្នុងកម្មវិធីប្រគំតន្ត្រី តាមបណ្តាខេត្ត-ក្រុងនានា ។

ក្រៅពីនេះម្តងម្កាលនាងច្រៀងជាកិត្តិយសតាម កម្មវិធីប្រគំតន្ត្រីចុងសប្តាហ៍ដើម្បីបង្ហាញទឹកដមសម្លេងជូន ប្រិយមិត្តទស្សនិកជនស្តាប់កំសាន្ត ។ ថ្មីៗនេះនាងលីតាមានកិត្តិយសឡើងច្រៀងនៅលើឆាកប្រគំតន្ត្រី ដួងតារាមាសរបស់ស្ថានីយទូរទស្សន៍អប្សរាប៉ុស្តិ៍លេខ១១ ដោយមានប្រិយមិត្តទស្សនិកជនគាំទ្រយ៉ាងច្រើនកុះករ ។ ថ្មីៗនេះដែរមានផលិតកម្មមួយផ្តល់ឱកាសឱ្យនាងថតសម្លេងចូល ក្នុងស៊ីឌី ហើយពេលនេះនាងកំពុងតែហាត់រៀនច្រៀង ។ កញ្ញាង៉ែត លីតា និយាយថា នៅថ្ងៃខាងមុខឆាប់ៗនេះនាងនឹងមានឱកាសក្លាយជាអ្នកចម្រៀង ក្នុងពិភពស៊ីឌីមិនខាន ។

កញ្ញាលីតា មានស្រុកកំណើតនៅខេត្តព្រះសីហនុ ។ នាងមានបងប្អូន៤នាក់ ក្នុងនោះប្រុស៣នាក់ ចំណែកនាងជាកូនទី៣ ។
កញ្ញា លីតា ឱ្យដឹងថា កន្លងមកនាងធ្លាប់ចូលរួមសម្តែងកាយវិការខារ៉ាអូខេឱ្យផលិតកម្ម ក្រៅប្រទេសមួយចំនួន ដូច្នេះនៅថ្ងៃអនាគតនាងសង្ឃឹមថានឹងក្លាយជាតារាចម្រៀងនិង សម្តែងមានកេរ្តិ៍ឈ្មោះល្បី ៕

ស្ត្រី៣នាក់ស្នើឱ្យជួយរំដោះប្តីនិងកូនដែលទាហានសៀមចាប់យកទៅលក់

ថ្ងៃអង្គារ ទី២៤ ខែឧសភា​ ឆ្នាំ២០១១​ ម៉ោង១៧:៤២ (ព័ត៍មានកោះសន្តិភាព)

ខេត្តបាត់ដំបង ៖ ស្ត្រី៣នាក់បានមកដល់ស្នាក់ការសមាគមការពារសិទ្ធិមនុស្ស «អាដហុក» ខេត្ត កាលពីព្រឹកថ្ងៃទី២៤ ឧសភា ដើម្បីស្នើដល់សមាគមការពារសិទ្ធិមនុស្សមួយនេះជួយអន្តរាគមន៍ រំដោះកូននិងប្តីរបស់ពួកគាត់សរុបចំនួន៨នាក់ ដែលខ្លួនកំពុងរងទារុណកម្មនៅលើទូកនេសាទ និងខ្លះទៀតកំពុងលាក់ខ្លួនក្បែរមាត់សមុទ្រនៃប្រទេសម៉ាឡេស៊ី ដោយសារតែពួកទាហានសៀមចាប់យកទៅលក់កម្លាំងពលកម្មបន្តឱ្យពួក នេសាទនៃប្រទេសនេះ ។

អ្នកស្រីអ៊ាង ដុន អាយុ៥៦ឆ្នាំ រស់នៅស្រុកសំពៅលូន ជាប់ព្រំដែនប្រទេសសៀមបាននិយាយថា ក្នុងចំណោមកម្មករខ្មែរទាំង៨នាក់នោះ គឺមានកូនប្រុសគាត់ម្នាក់និងក្មួយប្រុសម្នាក់ផង ។ អ្នកស្រីបានប្រាប់ថា ពួកគេធ្លាប់ចេញចូលធ្វើកម្មករលើទឹកដីសៀមជាប្រចាំ ដោយមិនស្របច្បាប់ទេ ប៉ុន្តែនៅចុងក្រោយនេះពួកគេចេញទៅតាំងពីដើមខែមករា ឆ្នាំ២០១១ តែគ្មានឮដំណឹងសោះ លុះនៅថ្ងៃទី២០ ឧសភា ស្រាប់តែកូនប្រុសគាត់ឈ្មោះទិត្យ ភ័ក្ត្រ អាយុ៣០ឆ្នាំ បានទូរស័ព្ទមកប្រាប់គាត់ថា ពួកគេត្រូវទាហានសៀមចាប់យកទៅលក់ឱ្យធ្វើកម្មករចុះទូក នេសាទនៅប្រទេសម៉ាឡេស៊ី ។ កូនប្រុសរបស់គាត់បានបញ្ជាក់ប្រាប់ថា រូបគេនិងគ្នីគ្នាចំនួន៥នាក់ទៀតបានលោតចុះទឹកហែលឆ្លង សមុទ្រលាក់ខ្លួនក្បែរសមុទ្រមួយកន្លែងនៅប្រទេសម៉ាឡេស៊ី រីឯ២នាក់ទៀតកំពុងស្ថិតនៅលើទូកនេសាទនោះហើយកំពុងរង ទារុណកម្មដែរ ។ ពេលឮដូច្នេះទើបគាត់មករកអង្គការអាដហុកឱ្យជួយអន្តរាគមន៍ ។

លំអិតព័ត៌មាន>>>

ស្នេហ៍តាមទូរស័ព្ទផ្អែមល្ហែម១ឆ្នាំ ជួបមុខគ្នាក្លាយជារន្ទះកាមទេព នាងចោទប្រកាន់ថាចាប់រំលោភ

ថ្ងៃពុធ ទី២៥ ខែឧសភា ឆ្នាំ២០១១ ម៉ោង ១១:២៩(ព័ត៍មានកោះសន្តិភាព)

ខេត្តកំពង់ចាម ៖ ការទាក់ទងតាមទូរស័ព្ទវាចាសាសងរវាងកំលោះស្រុកបាធាយម្នាក់ និងក្រមុំខេត្តសៀមរាបម្នាក់ ក្នុងវ័យ១៩ឆ្នាំដូចគ្នា បានក្លាយជាចំណងស្នេហ៍កួចត្របាញ់ចូលគ្នាកាន់តែស្អិតរមួតឡើងៗ ថ្វីបើមិនដែលបានឃើញមុខគ្នាក៏ដោយ។ ការទំនាក់ទំនងគ្នាតាមទូរស័ព្ទបាន១ឆ្នាំ ក៏បានឃើញមុខគ្នាតាមការណាត់នាវេលាល្ងាចថ្ងៃទី២២ ឧសភា ក្នុងពេលដែលនាងក្រមុំមកចូលរួមមង្គលការនៅស្រុកជើងព្រៃ ហើយកំលោះស្រុកបាធាយដែលថាស្មោះស្ម័គ្រស្នេហាតាមទូរស័ព្ទនោះ ក្លាយជាជនចាប់រំលោភទៅវិញ។

លោកវរសេនីយ៍ត្រី ហេង វុទ្ធី អធិការនគរបាលស្រុកជើងព្រៃបានប្រាប់កោះសន្តិភាពថា នៅវេលាម៉ោង១២និង១៥នាទីយប់រំលងអធ្រាត្រឈានចូលព្រឹកថ្ងៃទី២៣ ឧសភា រូបលោកបានទទួលបណ្តឹងតាមទូរស័ព្ទពីប្រជាពលរដ្ឋរស់នៅភូមិចំបក់ ឃុំសំពងជ័យ ស្រុកជើងព្រៃ ថា មានករណីចាប់ស្ត្រីដាក់ម៉ូតូនៅក្បែរកន្លែងរោងមង្គលការកូនអ្នក ស្រុក។ ក្រោយពីទទួលបានព័ត៌មាននេះភ្លាម រូបលោកបានដឹកនាំកម្លាំងព្រហ្មទណ្ឌស្រុកចុះទៅជាបន្ទាន់ ដើម្បីស្រាវជ្រាវ ហើយបានជួបនាងក្រមុំឈ្មោះ ម.ស.ភ រស់នៅស្រុកសូទ្រនិគម ខេត្តសៀមរាប ដែលបានអះអាងថា រងគ្រោះដោយការចាប់រំលោភ ហៅមកសាកសួររកមូលហេតុឱ្យបានដឹងច្បាស់លាស់។

លំអិតព័ត៌មាន>>>

ដើមទំព័រ