សង្គមស្រ្តីខែ្មរ: ព៍ត័មានអំពីសង្គមស្ត្រី

Showing posts with label ព៍ត័មានអំពីសង្គមស្ត្រី. Show all posts

អាជា្ញធរទួលគោក ពង្រឹងសន្តិសុខ ដើម្បីកាត់បន្ថយ បទល្មើស និងបំបាត់ភាព អនាធិបតេយ្យ

ភ្នំពេញ៖ ដើម្បីបង្ការ និងទប់ស្កាត់ រាល់សកម្មភាព បទល្មើស ដែលកើតឡើង ជាយថាហេតុ អាជា្ញធរខណ្ឌ ទួលគោក បានដឹកនាំកម្លាំង សមត្ថកិច្ចចុះ ប្រតិបត្តិការ ឆែកឆេរអាវុធជាតិ ផ្ទុះនិង ប្រមូលស្រ្តីរកស៊ីផ្លូវភេទ កាលពីយប់ថ្ងៃទី០២ ខែសីហា ឆ្នាំ២០១២ គោលបំណង បំបាត់ភាព អនា ធិបតេយ្យប៉ះ ពាល់សណ្តាប់ធ្នាប់ សាធារណៈនិង រឿងអសន្តិសុខសង្គម ។

អភិបាលរង ខណ្ឌទួលគោកលោក សាំង សុភះវិចិត្រ បាននិយាយថា រឿងសន្តិសុខសង្គម ជារឿងសំខាន់ ដែលយើងគ្រប់គ្នាត្រូវយក ចិត្តទុកដាក់ ។ តែដោយឡែករឿងសណ្តាប់ធ្នាប់ក៍ដូចគ្នាផងដែរ ។

លោកភិបាលរងរូបនេះ បានបញ្ជាក់ថា បន្ទាប់ពីមានភាព អនាធិបតេយ្យ កើតឡើង ដោយសារ ស្រ្តីរកស៊ីផ្លូវភេទ ឈរត្រៀបត្រា បោយដៃហៅភ្ញៀវ តាមដងផ្លូវ សាធារណៈហើយនោះ អាជា្ញធរ ទួលគោក ក៍ចាត់វិធានការ ប្រមូលពួកគាត់ ដើម្បីបញ្ជូនទៅមន្ទីរ សង្គមកិច្ច រាជធានីភ្នំពេញ គោល បំណងចង់កាត់បន្ថយ ការគ្មានសណ្តាប់ធ្នាប់ ។

គោលដៅចំនួន៥ ត្រូវបានអាជា្ញធរ ចុះប្រមូលស្រ្តីរកស៊ីផ្លូវភេទ ក្រោយពីយុទ្ធនាការ ឆែកឆេរអាវុធ ជាតិផ្ទុះ បានធ្វើឡើងមុនរយះពេលកន្លះម៉ោង កាលពីយប់ថ្ងៃទី២ ខែសីហា ឆ្នាំ២០១២ ។

ពាក់ព័ន្ធនឹងការត្រួតពិនិត្យ អាវុធជាតិផ្ទុះពេលយប់នេះផង ដែរតាមបណ្តាខណ្ឌផ្សេងទៀត នៅក្នុងរាជធានីភ្នំពេញ គេក៍សង្កេតឃើញថា មានយុទ្ធនាការដូចគ្នា ក្រោយពីអភិបាល រាជធានី ភ្នំពេញ លោកកែប ជុតិមា បានដាក់ផែនការឲ្យពង្រឹង សន្តិសុខហើយនោះ ៕

ស្ត្រីមានតួនាទីសំខាន់ក្នុងការអនុវត្តនយោបាយភូមិ-សង្កាត់ មានសុវត្ថិភាព

ថ្ងៃសៅរ៏ ទី៣ ខែមិនា ឆ្នាំ២០១២ ម៉ោង ១២:៥៣

រាជធានីភ្នំពេញ ៖ ព្រឹកថ្ងៃទី២ មីនា ឆ្នាំ ២០១២ មន្ទីរសាធារណការ និងដឹកជញ្ជូនរាជធានីភ្នំពេញ បានប្រារព្ធពិធីអបអរទិវាអន្តរជាតិនារី៨ មីនា ក្រោមអធិបតីភាពលោកស្រីទូច សារ៉ុម អភិបាលរងរាជធានីភ្នំពេញ ស្របពេលដែលពិភពលោកកំពុងត្រៀមរៀបចំប្រារព្ធពិធីនេះដែរ ជាពិសេសស្ត្រី ។

លោកសាំ ពិសិដ្ឋ នាយកមន្ទីរសាធារណការ និងដឹកជញ្ជូនរាជធានីភ្នំពេញបានឱ្យដឹងថា បងប្អូននារីយើងបម្រើការងារជូនមន្ទីរមានច្រើនផ្នែកដូចជា ការងាររដ្ឋបាល, ការចុះបញ្ជីយានយន្ត, ការផ្តល់ប័ណ្ណបើកបរ, ការងារបោសសម្អាត,ថែទាំសួនច្បារ,ការងារបណ្តាញលូទឹកជាដើម ។ ការងារទាំងអស់នេះ បានរួមចំណែកអភិវឌ្ឍរាជធានីភ្នំពេញ ហើយមិនអាចខ្វះបានឡើយពីការចូលរួមរបស់បងប្អូននារី និងជាមោទនភាពមួយរបស់មន្ទីរដែលសម្រេចបាន សមិទ្ធផលយ៉ាងច្រើនជូនសាលារាជធានីភ្នំពេញ មិនតែប៉ុណ្ណោះ ពួកគាត់បានរួមចំណែកលើកទឹកចិត្តស្វាមីខ្លួនឱ្យបំពេញ ការងារបានល្អប្រសើរ ។

លោកស្រីទូច សារ៉ុម អភិបាលរងរាជធានីភ្នំពេញបានលើកឡើងថា ជីដូន, អ្នកម្តាយ, បងស្រី, ប្អូនស្រី មានតួនាទីសំខាន់ក្នុងការចូលរួមអនុវត្តគោលនយោបាយភូមិ-សង្កាត់ មានសុវត្ថិភាព តាមរយៈការបន្តអប់រំកូនចៅឱ្យដើរផ្លូវល្អ ធ្វើឱ្យភូមិ-សង្កាត់គ្មានក្មេងទំនើង, គ្មានគ្រឿងញៀន,គ្មានល្បែងស៊ីសង, គ្មានអំពើជួញដូរផ្លូវភេទជាដើម ។ លោកស្រីបញ្ជាក់ទៀតថា ក្មេងទំនើងមិនមែនមានតែក្មេងប្រុសនោះទេ ក្មេងស្រីក៏មានដែរ ដូច្នេះតួនាទីរបស់អ្នកម្តាយកាន់តែសំខាន់ទៀត ក្នុងការអប់រំកូនកុំឱ្យប្រព្រឹត្តខុសឆ្គងស្របនឹងប្រធានបទ ទិវាអន្តរជាតិនារីឆ្នាំនេះគឺ«អ្នកម្តាយដ៏ឆ្នើមរបស់ខ្ញុំ» ។ លោកស្រីបានបន្ថែមថា បងប្អូននារីមានតួនាទីដ៏ចាំបាច់ទាំងក្នុងសង្គម និងគ្រួសារតាមរយៈការគាំទ្រលើកទឹកចិត្តពីថ្នាក់ដឹកនាំអង្គភាព, មិត្តរួមការងារ, ក្រុមគ្រួសារ និងជាពិសេសនោះគឺកត្តាខ្លួនឯងតែម្តង ។ នាឱកាសនោះ បងប្អូនជាបុរសជាស្វាមីជាថ្នាក់ដឹកនាំ ក៏បានប្រគល់ជូនបាច់ផ្កា វត្ថុអនុស្សាវរីយ៍ដល់បងប្អូននារីយើងដោយភាពរីក
រាយស្និទ្ធស្នាល និងស្មើភាពគ្រប់ការងារ ៕

MP Mu Sochua, to attend Global Ambassador’s Program in Haiti

photograph by Cattleya Jaruthavee

On February 28 to March 1, 2012 Cambodian Member of Parliament Mu Sochua will act as a Global Ambassador for the launch of the Vital Voices and Bank of America global mentoring program “The Global Ambassador’s Program” in Pétion-Ville, Haiti. The program seeks to resolve the women’s leadership gap by connecting the expertise of the world’s top women from business, media, government and civil society to outstanding emerging local women leaders. The 2012 program’s Global Ambassadors include: American actress and activist Maria Bello; Minister of Agriculture in the Republic of Liberia, Dr. Florence Chenoweth; a Marketing Executive at the Bank of America Merrill Lynch; and Constance Morella, the former United States Government Ambassador to the OECD.

Haitian women’s voices are barely present in the country’s social and economic decision making processes. Currently, women make up less than 3% of Haiti’s Parliament. As a result, throughout the course of the past few months, Haitian women’s organizations have hosted 308 focus groups for women across the country to identify and develop policy platforms regarding key issues affecting Haitian women. The Global Ambassador’s Program will provide a space for local leaders to meet, consult, and develop their policy platforms under the mentorship of the Global Ambassadors.

During the program, Haitian women leaders will draft a set of policy priorities based on the issues identified by Haitian women across the country. Each Global Ambassador, including MP Mu Sochua, will mentor two extraordinary Haitian women leaders as they lead this consultative process to produce a National Women’s Platform. On March 1, the National Women’s Platform will be presented to President Michel Martelly to ensure the acknowledged policy priorities are accounted for in the next legislative cycle.

អង្គការសុខភាពផ្លូវចិត្តគ្មាន ព្រំដែន(PSF-ONGD)កំពុងពង្រឹងនូវតួនាទី និងចំណេះដឹងជនបង្គោលជាស្ត្រីនៅតាមសហគមន៍ជនជាតិភាគតិចក្នុង ខេត្តរតនគីរី

ចាប់ពីខែកក្កដាដល់ខែកញ្ញា ឆ្នាំ២០១១ អង្គការសុខភាពផ្លូវចិត្តគ្មានព្រំដែន(PSF-ONGD)ដោយមានការសហការជា មន្ទីរកិច្ចការនារីខេត្តរតនគីរី បាននឹងកំពុងបណ្ដុះបណ្ដាលស្ត្រីបង្គោលជនជាតិដើមភាគតិចចំនួន ២០០នាក់មកពី១៦៧ភូមិនៅមជ្ឈមណ្ឌលស្ត្រីក្នុងកិច្ចអភិវឌ្ឍន៍ក្នុង ក្រុងបានលុង។
ស្ត្រីដែលកំពុងទទួលការបណ្ដុះបណ្ដាលគឺជាមនុស្សសំខាន់នៅក្នុងភូមិ ខ្លះមានតួនាទីជាចាស់ទុំភូមិ ប្រធាន/អនុប្រធានភូមិ ជំនួយការភូមិ ក្រុមទ្រទ្រង់សុខភាពភូមិ ឆ្មបបុរាណ នារីឃុំទទួលបន្ទុកកិច្ចការស្ត្រីនិងកុមារនិងកិច្ចការនារីស្រុក ជាដើម។ អង្គការសុខភាពផ្លូវចិត្តគ្មានព្រំដែន(PSF-ONGD)ដោយមានការសហការ ជាមួយមន្ទីរកិច្ចការនារីបានធ្វើការផ្ដល់ចំណេះដឹងដល់ស្ត្រីបង្គោល តាំងពីឆ្នាំ២០០៧មកម្លេះ ដោយមានការបណ្ដុះបណ្ដាលផ្ដល់ចំណេះដឹងពាក់ព័ន្ធពីបញ្ហាសុខភាពមាតា សុខភាពបន្តពូជនិងសុខភាពកុមារ ព្រមទាំងបានជួយគាំទ្រពួកគាត់ក្នុងការផ្ទេរចំណេះដឹងទាំងនេះ ដល់ស្ត្រីដែលរស់នៅក្នុងភូមិរបស់ពួកគាត់។
ជាធម្មតាស្ត្រីបង្គោលទាំង២០០នាក់ត្រូវបានបែងចែកជាក្រុម ដោយក្នុងមួយក្រុមមានប្រហែលជា២៣នាក់ទៅតាមជនជាតិនិងភាសាដែល ពួកគាត់និយាយ។ ពួកគាត់ត្រូវឡើងមកក្រុងបានលុងដើម្បីទទួលការបណ្ដុះបណ្ដាលរយៈពេល មួយសប្ដាហ៍ពីថ្ងៃច័ន្ទ ដល់ថ្ងៃសុក្រដោយស្នាក់នៅរួមគ្នា សិក្សារួមគ្នានៅមជ្ឈមណ្ឌលហើយពួកគាត់ត្រូវបានបណ្ដុះបណ្ដាលពីវិធី សាស្ត្រដើម្បីធ្វើអោយមានការចូលរួម អំពីសិទ្ធិ បញ្ហាសុខភាព យេនឌ័រ និងបញ្ហាអំពើហិង្សា...។
សៀវភៅណែនាំសម្រាប់ស្ត្រីដែលផលិតដោយវិទ្យាស្ថានបើកទូលាយ(OI)និង អង្គការសន្តិភាពនិងការអភិវឌ្ឍន៍(PyD)ត្រូវបានកែសម្រួលដោយអង្គការ សុខភាពផ្លូវចិត្តគ្មានព្រំដែន(PSF-ONGD)ដើម្បីប្រើប្រាស់ជាសម្ភារៈ សិក្សាមួយសម្រាប់បណ្ដុះបណ្ដាលដល់សហគមន៍ជនជាតិដើមភាគតិច។ នៅអំឡុងពេលបណ្ដុះបណ្ដាលគ្រូសម្របសម្រួលដែលមានបទពិសោធន៍ និងស្ត្រីបង្គោលបានចែករំលែកចំណេះដឹងនិងបទពិសោធន៍ពីគ្នាទៅវិញ ទៅមក។ ហើយការពិភាក្សានិងការចែករំលែកចំណេះដឹងនិងបទពិសោធន៍នេះមិនត្រឹម តែនៅពេលសិក្សានោះទេសូម្បីតែនៅហូបបាយ ពេលសម្រាក ងូតទឹកពួកគាត់បានពិភាក្សាគ្នារហូតព្រមទាំងបានបង្កើនទំនាក់ទំនង រវាងគ្នានិងបង្កើតបណ្ដាញស្ត្រីមិនផ្លូវការមួយទៀតផង។
នៅពេលពួកគាត់ត្រឡប់ទៅភូមិរៀងៗខ្លួនវិញ ការផ្ទេរចំណេះដឹងត្រូវបានធ្វើឡើងគឺមិនត្រឹមតែចំណេះដឹងដែលបាន សិក្សាបណ្ណោះទេ បទពិសោធន៍ដែលទទួលបានពីស្ត្រីនៅតាមភូមិដទៃៗក៏ត្រូវបាន ផ្សព្វផ្សាយបន្តដល់ ប្រជាជននៅក្នុងភូមិផងដែរ៕

មន្ត្រីរដ្ឋាភិបាល និងបុគ្គលិកអង្គការក្រៅរដ្ឋាភិបាលនៅខេត្តរតនគិរីបានទទួលវគ្គ បណ្ដុះបណ្ដាលស្ដីពីអំពើហិង្សានៅក្នុងគ្រួសារ

កាលពីថ្ងៃទី២១ ខែមិថុនា ឆ្នាំ២០១១ អង្គការសុខភាពផ្លូវចិត្តគ្មានព្រំដែន(PSF-ONGD)បានធ្វើការសហការ ជាមួយសាកលវិទ្យាល័យភូមិន្ទភ្នំពេញ និងក្រសួងកិច្ចការនារីបើកវគ្គបណ្ដុះបណ្ដាលរយៈពេលពីរថ្ងៃស្ដីពី អំពើហិង្សានៅក្នុងគ្រួសារដល់មន្ត្រីរដ្ឋាភិបាល និងបុគ្គលិកអង្គការក្រៅរដ្ឋាភិបាលដែល ពាក់ព័ន្ធប្រចាំនៅខេត្តរតនគីរី ហើយជាសរុបមានស្រីចំនួន២២នាក់ និងសរុបចំនួន២៨នាក់ បានចូលរួមក្នុងវគ្គបណ្ដុះបណ្ដាលនេះ។ គោលបំណងនៃវគ្គបណ្ដុះបណ្ដាលគឺដើម្បីកសាងសមត្ថភាពបន្ថែមលើប្រធានបទ អំពើហិង្សាក្នុងគ្រួសារដល់មន្ត្រីរដ្ឋាភិបាលនៅតាមមន្ទីរដែល ពាក់ព័ន្ធ និងអង្គការក្រៅរដ្ឋាភិបាលដែលធ្វើការនៅក្នុងខេត្តរតនគិរីពីការ អនុវត្តន៍វិធីសាស្ត្រជាក់ស្ដែងនិងរួមគ្នាដើម្បីការពារ ស្វែងរក គ្រប់គ្រង និងគាំទ្រដល់ករណីអំពើហិង្សានៅក្នុងគ្រួសារព្រមទាំងលើកកម្ពស់ ជំរុញអោយមានបណ្ដាញ ការងារដែលមានការពាក់ព័ន្ធ និងការទទួលខុសត្រូវក្នុងដោះស្រាយករណីអំពើហិង្សានៅក្នុងគ្រួសារ ។
វគ្គបណ្ដុះបណ្ដាលរយៈពេលពីរថ្ងៃបានផ្ដោតទៅលើ និយមន័យនៃអំពើហិង្សា ប្រភេទនៃអំពើហិង្សា ច្បាប់ទប់ស្កាត់អំពើហិង្សានៅក្នុងគ្រួសារនិងកិច្ចការពារជនរង គ្រោះ ឥទ្ធិពលនៃការប៉ះទង្គិចផ្លូវចិត្ត ផ្លូវកាយ អាកប្បកិរិយា និងការគិតព្រមទាំងបានប្រើប្រាស់វិធីសាស្ត្រមួយចំនួនដើម្បីសម្រេច អោយបាននូវគោលបំណងនៃវគ្គបណ្ដុះបណ្ដាល។
ចុងបញ្ចប់នៃវគ្គអ្នកចូលរួមត្រូវបានធ្វើតេស្តវាស់វែងចំណេះដឹង ដែលបង្ហាញអោយយើងឃើញថា ចំណោះដឹងរបស់ពួកគាត់មានការរីកចំរើនទៅលើប្រធានបទអំពើហិង្សានៅ ក្នុងគ្រួសារ ឥទ្ធិពលការប៉ះទង្គិចផ្លូវចិត្តដោយអំពើហិង្សានៅក្នុងគ្រួសារ ច្បាប់ទប់ស្កាត់អំពើហិង្សានៅក្នុងគ្រួសារនិងកិច្ចការពារ ជនរងគ្រោះ បុព្វហេតុនិងផលប៉ះពាល់នៃអំពើហិង្សានៅក្នុងគ្រួសារ របៀបជួយអន្តរាគមន៍នៃករណីអំពើហិង្សានៅក្នុងគ្រួសារនិងសំខាន់ បំផុតនោះអ្នកចូលរួមទាំងអស់បានចងក្រងជាបណ្ដាញដើម្បីចូលរួមដោះ ស្រាយអំពើហិង្សាក្នុងគ្រួសារដែលកើតមានឡើងនៅពេលអ្នកអនាគត ។

ប្រធានបទអំពើហិង្សាក្នុងគ្រួសារត្រូវបាន បណ្ដុះបណ្ដាលនៅសាកលវិទ្យាល័យភូមិន្ទភ្នំពេញ

កាលពីចុងខែមេសាកន្លងទៅនេះអង្គការសុខភាពផ្លូវចិត្តគ្មានព្រំដែន (PSF-ONGD) បានរៀបចំការបណ្ដុះបណ្ដាលមួយស្ដីអំពីអំពើហិង្សាក្នុងគ្រួសារ ដល់និស្សិតអនុបណ្ឌិតជំនាញផ្នែកប្រឹក្សានិងការប៉ះទង្គិចផ្លូវចិត្ត ធ្ងន់ធ្ងរនៅសាកលវិទ្យាល័យភូមិន្ទភ្នំពេញដោយមានការជួយសម្របសម្រួល ពីអង្គការអាល្លឺម៉ង់មួយហៅកាត់ថា (GIZ)។ នៅកំឡុងពេលនៃវគ្គបណ្ដុះបណ្ដាលនេះមាននិស្សិតចំនួន២០នាក់ បានចូលរួមនៅក្នុងវគ្គបណ្ដុះបណ្ដាលហើយគ្រូសម្របសម្រួលនៅក្នុង វគ្គនេះមានលោកស្រីវេជ្ជបណ្ឌិត TanjaShunert ទីប្រឹក្សាជាន់ខ្ពស់នៃអង្គការ Deutsche Gesellschaft Fur InternationaleZusammenarbeit (GIZ) , លោកស្រី Cova Alvarez អ្នកជំនាញផ្នែកយេនឌ័រ និងអំពើហិង្សានៅក្នុងគ្រួសារនិងលោកវេជ្ជបណ្ឌិត Hector Rifa នាយកគម្រោងរបស់អង្គការសុខភាពផ្លូវចិត្តគ្មានព្រំដែន (PSF-ONGD) និងជាសាស្ត្រាចារ្យមកពីសាកលវិទ្យាល័យអូវីដូប្រទេសអេស្ប៉ាញ ។
ជាលទ្ធផលបន្ទាប់ពីវគ្គបណ្ដុះបណ្ដាលស្ដីពីអំពើហិង្សានៅក្នុង គ្រួសារដែលរៀបចំដោយអង្គការសុខភាពផ្លូវចិត្តគ្មានព្រំដែន (PSF-ONGD) នេះប្រធានបទថ្មីមួយត្រូវបានដាក់បញ្ចូលទៅក្នុងកម្រិតសិក្សា អនុបណ្ឌិតផ្នែកប្រឹក្សានិងការប៉ះទង្គិចផ្លូវចិត្តធ្ងន់ធ្ងរក្រោម ចំណងជើងនៃការការពារ, ការគ្រប់គ្រងនិងការស្វែងរកការព្យាបាលនៃជនរងគ្រោះពីអំពើហិង្សា នៅក្នុងគ្រួសារ ។ សេចក្ដីសង្ឃឹមគឺដើម្បីធ្វើអោយមានការចូលរួមដោះស្រាយបញ្ហាអំពើ ហិង្សានៅក្នុងគ្រួសារចេញពីសាកលវិទ្យាល័យភូមិន្ទភ្នំពេញ តាមរយះការបណ្ដុះបណ្ដាលអោយមានគ្រូនៅពេលអនាគត ។ ហើយវាមានសារៈសំខាន់ក្នុងការបង្ហាញអោយឃើញថានិស្សិតដែលបានចេញពី កម្រិតអនុបណ្ឌិតនេះ គឺមានវិជ្ជាជីវៈចិត្តវិទ្យា និងវិទ្យាសាស្ត្រសង្គមរួចជាស្រេចគួបផ្សំនិងឯកទេសផ្សេងៗទៀត ដែលជាការផ្ដល់ឱកាសអោយពួកគាត់បានធ្វើការនៅតាមស្ថាប័នរដ្ឋាភិបាល និងអង្គការសង្គមស៊ីវិលផ្សេងៗ ។

បញ្ហាយេនឌ័រនិងការរំលោកសិទ្ធិស្ត្រីគួរត្រូវ បញ្ជ្រាបទៅក្នុង គោលនយោបាយ ICT

ស្ថាប័នរដ្ឋាភិបាល អង្គការមិនមែនរដ្ឋាភិបាលនិងដៃគូអភិវឌ្ឍ ព្រមទាំងផ្នែកឯកជនបានឯកភាពគ្នាថា បញ្ហាយេនឌ័រនិងការរំលោកសិទ្ធិស្ត្រីគួរត្រូវបញ្ជ្រាបទៅក្នុង គោលនយោបាយICT។ ការមូលមតិគ្នាលើកឡើងបែបនេះ ត្រូវបានធ្វើឡើងនៅក្នុងកិច្ចពិភាក្សាពិគ្រោះយោបល់លើកទីមួយកាល ពីថ្ងៃព្រហស្បតិ៍ ទី ១៩ ឧសភា ២០១១ នៅសណ្ឋាគារ Sunway អំពី "ទស្សនយេនឌ័រ ក្នុងការអភិវឌ្ឍគោលនយោបាយបច្ចេកវិទ្យា គមនាគមន៍និងព័ត៌មានវិទ្យា ICT"។
កិច្ចប្រជុំត្រូវបានរៀបចំឡើងក្នុងគោលបំណងពិភាក្សាស្វែងយល់ បន្ថែមអំពីគោលនយោបាយជាតិស្ដីពី បច្ចេកវិទ្យា គមនាគមន៍ និងព័ត៌មាន អំពីទំនាក់ទំនងរវាងយេនឌ័រនិង ICT និងអំពីការបញ្ជ្រាបយេនឌ័រទៅក្នុងការអភិវឌ្ឍគោលនយោបាយ ICT តាមវិស័យនិងក្នុងការអភិវឌ្ឍផែនការសកម្មភាព និងយុទ្ធសាស្ត្រសម្រាប់ការអនុវត្តគោលនយោបាយជាតិស្ដីពី ICT។ កិច្ចប្រជុំត្រូវបានរៀបចំឡើងដោយអង្គការវិទ្យាស្ថានបើកទូលាយ សហការជាមួយក្រសួងកិច្ចនារី អង្គការអ៊ិកផាកកម្ពុជា (Ecpat/Cambodia) សមាគមអភិវឌ្ឍសុខភាពប្រជាជន អង្គការយុវជនខ្មែរ និងការអភិវឌ្ឍសង្គម និង សមាគមអភិវឌ្ឍស្រុកស្រែ។

លំអិតព័ត៌មាន>>>

យិងលក្សណ៍ ជិនវ័ត្រ នាយករដ្ឋមន្ត្រីស្ត្រីទី១របស់ថៃ

ព្រឹកមិញនេះបណ្ដាសមាជិករដ្ឋសភាថៃ ដែលទើបជាប់ឆ្នោតកាលពីដើមខែកក្កដា កន្លងទៅនេះ បាននាំគ្នាបោះឆ្នោតរើសនាយករដ្ឋមន្ត្រីថ្មីហើយ នាយករដ្ឋមន្ត្រីទី២៨របស់ប្រទេសថៃ ហើយដែលគ្មាននរណាទេ គឺអ្នកស្រី យិងលក្សណ៍ ជិនវ័ត្រ ប្អូនស្រីពៅរបស់អតីតនាយករដ្ឋមន្ត្រីធ្លាក់ពីអំណាច នាយ ទក្សិណ ជិនវ័ត្រ។
អតីតអ្នកជំនួញអាយុ៤៤ឆ្នាំ រូបនេះជាបេក្ខនារីតែម្នាក់គត់ដែលទទួលការគាំទ្រពីសមាជិកសភាដល់ ទៅ២៩៣រូបក្នុងចំណោមសមាជិកសភាថ្មីទាំង៤៩៦រូបដែលចូលរួមបោះ ឆ្នោតអនុម័ត។ នេះជាការប្រកាសរបស់ប្រធានសភាថ្មីថៃ នាយ សមស័ក្ដិ៍ កៀរតិសុរនន្ទ (ថៃ៖ สมศักดิ์ เกียรติสุรนนท์)។ តួលេខនេះគឺជិតស្មើនឹងចំនួនសមាជិកសភានៃក្រុមចម្រុះមានសមាជិក សភា៣០០រូបដែលគណបក្សភឿថៃជាអ្នកឈ្នះឆ្នោតសភាបង្កើតឡើងជាមួយគណបក្ស៥ទៀត។
ការដែលអ្នកស្រី បានជាប់ឆ្នោតសម្ដែងការគាំទ្រនេះ បានធ្វើឲ្យអ្នកស្រីក្លាយជាស្ត្រីទី១របស់ថៃ ដែលបានឡើងកាន់តំណែងជានាយករដ្ឋមន្ត្រី និងជានាយករដ្ឋមន្ត្រីស្ត្រីទី១៦របស់ពិភពលោកផងដែរ។

យិងលក្សណ៍ ជិនវ័ត្រ ជានរណា?

យិងលក្សណ៍ ជិនវ័ត្រ
ยิ่งลักษณ์ ชินวัตร

ប្រវត្តិ

យិងលក្សណ៍ ជិនវ័ត្រ មានឈ្មោះលេងថា ប៉ូ កើតនៅថ្ងៃទី២១ ខែមិថុនា ឆ្នាំ១៩៦៧ នៅស្រុកសាន់កំផែង ខេត្តជៀងហ្ម៉ៃ ប្រទេសថៃ។ នាងជាប្អូនស្រីបង្កើតរបស់អតីតនាយករដ្ឋមន្ត្រីថៃ ទក្សិណ ជិនវ័ត្រ។

ការសិក្សា និងការងារ

យិងលក្សណ៍ ជិនវ័ត្រ បានបញ្ចប់ការសិក្សាថ្នាក់អនុវិទ្យាល័យនៅសាលារៀនរេយីំាជេវី វិទ្យាល័យ និងថ្នាក់វិទ្យាល័យនៅសាលារៀនយុវរាជវិទ្យាល័យ។ បរិញ្ញាត្រីពីមហាវិទ្យាល័យរដ្ឋសាស្ត្រ និងរដ្ឋប្រសាសនសាស្ត្រ នៃសាកលវិទ្យាល័យជៀងហ្ម៉ៃ មុខជំនាញរដ្ឋសាស្ត្រ និងរដ្ឋបាលសាធារណៈ កាលពីឆ្នាំ១៩៨៨ និងបរិញ្ញាទោ នៃសាកលវិទ្យាល័យឃេនទ័រគី សហរដ្ឋអាមេរិក កាលពីឆ្នាំ១៩៩១។

ស៊ូមាគ៌ានយោបាយ

នៅខែឧសភា ឆ្នាំ២០១១ គណៈបក្សភឿថៃ ដែលមានចំណងជិតស្និទ្ធ និងអតីតនាយក ទក្សិណ ជិនវ័ត្រ បានតែងតាំងអ្នកស្រី ជាបេក្ខជននាយករដ្ឋមន្ត្រី សម្រាប់ការបោះឆ្នោតសាកលឆ្នាំ២០១១។ លទ្ធផលបោះឆ្នោតកាលពីថ្ងៃអាទិត្យ ទី០៣ ខែកក្កដា ឆ្នាំ២០១១ កន្លងទៅនេះ គណៈបក្សរបស់លោកស្រី បានឈ្នះឆ្នោតយ៉ាងភ្លូកទឹកដី ដោយទទួលបានកៅអីចំនួន២៦៥ ក្នុងចំណោម៥០០កៅអី ក្នុងសភា ធ្វើឲ្យអ្នកស្រីបានក្លាយជានាយករដ្ឋមន្ត្រីទី២៨ របស់ប្រទេសនេះ។
________________________________________________________
អានផងដែរ៖
១. លោកស្រីយីងឡាក់ ស៊ីណាវ៉ាត្រា ត្រូវបានជ្រើសតាំងជានាយករដ្ឋមន្ត្រីថ្មីថៃ
២. យីងឡាក់ ស៊ីណាវ៉ាត្រា ក្លាយជានាយករដ្ឋមន្ត្រីស្រីលើកដំបូងរបស់ថៃ
៣. យីងឡាក់ បេក្ខនារីដែលរំពឹងបានតំណែងនាយករដ្ឋមន្ត្រី
៤. បក្សភឿថៃ ឈ្នះឆ្នោតនៅប្រទេសថៃ

Yingluck in the clear with [Thailand's] SEC

Yingluck Shinawatra, a prime minister candidate of opposition Pheu Thai party, greets from a helicopter upon her arrival for an election campaign rally in Chiang Mai province, northern Thailand Monday, June 13, 2011

(AP Photo/Wichai Taprieu)

Tul says verdict intended to 'protect' Shinawatras

14/06/2011
Bangkok Post

The Securities and Exchange Commission has cleared Pheu Thai Party's No.1 list candidate Yingluck Shinawatra of accusations that she broke securities law, insisting that its investigation into her had been concluded.

The SEC investigation was prompted by calls from two groups accusing her of making false transaction reports among other infractions in relation to securities she had allegedly held on behalf of her brother, ousted former prime minister Thaksin Shinawatra.

Kaewsun Atibhodhi, a member of the disbanded Assets Scrutiny Committee (ASC), and Tul Sitthisomwong, leader of the anti-red-shirt Network of Citizen Volunteers Protecting the Land, recently demanded that the SEC probe the alleged irregularities of Ms Yingluck's cases, which were related to an order by the Supreme Court's Criminal Division for Holders of Political Positions to seize 46 billion baht from Thaksin.

លំអិតព័ត៌មាន>>>

ប្រពៃណីលែងដើមទ្រូងទទេរបស់ស្ត្រីខ្មែរ

នៅតាមជញ្ជាំងប្រាសាទខ្មែរបុរាណនាសម័យ បុរេអង្គរ និងអង្គរ គេឃើញមានចម្លាក់បុរាណជាច្រើន ដូចជាព្រះទេពី ស្រីរាំ ឬទេពអប្សរ ព្រមទាំងប្រជានុរាស្ត្រដែលមានឋានៈខ្ពង់ខ្ពស់ជាទីបំផុត ឬក៏ឋានៈទាបស្ថិតនៅក្នុងឥរិយាបថលែងទ្រូងទទេដូចៗគ្នាដែរ ។ ឧទាហរណ៍ដ៏ជាក់ស្តែងមួយ គឺថាបើយើងក្រឡេកមើលចម្លាក់ព្រះនាងម្ចាស់ក្សត្រីឥន្ទ្រទេវី ដែលជាព្រះជាយារបស់ព្រះមហាក្សត្រខ្មែរដ៏ខ្លាំងពូកែកប់កំពូល គឺព្រះបាទជយវ័រ្មនទី ៧ យើងនឹងសម្គាល់ឃើញថា ព្រះនាងក៏ស្ថិតក្នុងឥរិយាបថខ្លួនទទេដែរ ។ ដោយឡែកតាមការ វិភាគរូបសំណាកនាសម័យនគរភ្នំពីស.វទី ១ ដល់ទី ៧ និងសម័យចេនឡាពីស.វទី ៧ ដល់ទី ៩ នៃគ.ស ក៏បានបញ្ជាក់នូវប្រពៃណីលែង ខ្លួននេះដែរ ។ យោងតាមប្រភពឯកសារបុរាណវិទ្យា យើងអាចសន្និដ្ឋានបានថាប្រពៃណីដោះអាវនេះមានតាំងពីសម័យ បុរេប្រវត្តិសាស្ត្រ មកម្ល៉េះ ។

ដូច្នេះ ទំនៀមទម្លាប់លែងខ្លួនរបស់ស្ត្រីខ្មែរ គឺជាប្រពៃណីទូទៅដែលមានតាំងតែ ពីបុរាណកាលមកគ្មានលក្ខណៈអាវាសែទេ ។ ម្យ៉ាងទៀតតាមរយៈឯកសារបានបញ្ជាក់ឱ្យដឹងថា កាលដែលគេឆ្លាក់រូបទេវតា ឬរូបមនុស្សនាសម័យបុរាណ គឺពុំមែនជារឿងប្រឌិតនោះទេ គឺជាប្រពៃណីពិតៗដែលទាក់ទងទៅនឹងប្រពៃណីដូនតាខ្លួន ។ អ្វីមួយដែលខុសនឹងចម្លាក់ ឬគំនូរនាសម័យទំនើបប្រកបដោយភាពស្រើបស្រាល ។

សូមបញ្ជាក់ថា ការដែលស្ត្រីខ្មែរដោះអាវ ឬអត់អាវ ចំហដើមទ្រូងឱ្យលេចសុដន់ទាំងគូនៅទទេបែបនេះ គឺមិនមែនមានន័យថា ស្ត្រីខ្មែរមិនចេះពាក់អាវនោះទេ នោះជាការនិយមឱ្យតម្លៃជាទូទៅក្នុងព្រះរាជនគរខ្មែរបុរាណរហូតដល់ សម័យបារាំងចូលស្រុក ទើបប្រពៃណីនោះក៏ត្រូវរអាក់រអួលទៅវិញ។

រហូតមកដល់ស.វទី ១៩ ស្ត្រីខ្មែរនៅតែនិយមប្រពៃណីដោះអាវនេះរហូត ទោះជាស្ថិតនៅក្នុងកាលៈទេសៈណាក៏ដោយ ព្រោះវាបានក្លាយទៅជាទម្លាប់ធម្ម ជាតិនៅគ្រប់ទីច្រកល្ហកទៅហើយ ប៉ុន្តែតាមលទ្ធផលនៃការស្រាវជ្រាវក្រោយមកទៀតទើបគេដឹងថាប្រពៃណីនេះ បានប្រែប្រួលបន្តិចម្តងៗរហូតដល់បាត់អស់នៅពេលដែលឥទ្ធិពលអឺរ៉ុបបានជះ មកលើសង្គមខ្មែរនាជំនាន់នោះ ។ ប៉ុន្តែជនជាតិខ្មែរដែលរស់នៅតាមតំបន់ព្រៃភ្នំនៅតែរក្សាប្រពៃណីនេះ បានគង់វង្សស្ថិតស្ថេររហូតមកដល់សព្វថ្ងៃនេះ ។

គួរបញ្ជាក់ផងដែរថា បងប្អូនខ្មែរលើទាំងនោះ ក៏ដូចជាបុព្វបុរសនាសម័យអង្គរ និងមុនអង្គរផងដែរ ។ កាយវិកាស្រាតននលដងខ្លួន ពុំមែនមានន័យថា ឆ្អេះឆ្អាបនោះទេ ក៏ប៉ុន្តែប្រកបដោយលក្ខណៈស្អាតស្អំបរិសុទ្ធ ។

សូមជម្រាបថាថ្មីៗនេះ អ្នកស្រាវជ្រាវថៃបានរកឃើញនូវរូបចម្លាក់បុរាណនាស.វទី ១២ តំណាងអ្នករបាំខ្មែរនាសម័យអង្គរពាក់អាវយ៉ាងស្តើងខុសពីស្ត្រី ទេពអប្សរមួយភាគធំដែលមាននៅលើប្រាសាទសិលាអង្គរ ឬវត្តបាពួន (ម.ត្រាណេ) ។

កិច្ចប្រជុំស្តីពីការលុបបំបាត់ការចម្លងមេរោគអេដស៍ពីមាតាទៅទារក

រូបភាពសារព័ត៍មានកោះសន្តិភាព

បុរីញូវយ៉ក ៖ សម័យប្រជុំពេញអង្គរបស់កិច្ចប្រជុំជាន់ខ្ពស់មហាសន្និបាតអង្គការសហប្រជាជាតិឆ្នាំ២០១១ ស្តីពីអេដស៍ បានប្រារព្ធពិធីបើកនៅទីស្នាក់ការកណ្តាលរបស់អង្គការសហប្រជាជាតិបុរីញូវយ៉ក សហរដ្ឋអាមេរិក នៅព្រឹកថ្ងៃទី៨ មិថុនា ឆ្នាំ២០១១ ។ ជាមួយនឹងកិច្ចប្រជុំជាន់ខ្ពស់ដ៏មានសារសំខាន់នេះ វេទិកាជាប្រវត្តិសាស្ត្ររបស់ស្ត្រីទី១ ទូទាំងពិភពលោក ដើម្បីលុបបំបាត់ការចម្លងថ្មីមេរោគអេដស៍ពីមាតាទៅកុមារ បានប្រារព្ធពិធីបើកជាផ្លូវការនៅរសៀលថ្ងៃទី៨ មិថុនា ដោយមានវត្តមានអញ្ជើញចូលរួមពីស្ត្រីទី១ ភរិយាថ្នាក់ដឹកនាំប្រមុខរដ្ឋ ប្រមុខរដ្ឋាភិបាល មកពីប្រទេសចំនួន២៧លើពិភពលោក និងពីតំណាងឥស្សរជនជាន់ខ្ពស់របស់រដ្ឋាភិបាល អង្គការជាតិ-អន្តរជាតិ និងសង្គមស៊ីវិលសរុបប្រមាណ៥០០នាក់ ។

ព្រឹត្តិការណ៍ដ៏មានសារសំខាន់ និងជាប្រវត្តិសាស្ត្រនេះប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់លោកជំទាវបាន ស៊ូនតេក (Ban Soon Taek) ភរិយាលោកបាន គីមូន អគ្គលេខាធិការអង្គការសហប្រជាជាតិ លោកជំទាវ វ៉ោយហ្សេរ៉ូ អាហ្ស៊ីប ម៉េសហ្វ៊ីន (Woizero Azeb Mesfin) ស្ត្រីទី១របស់ប្រទេសអេត្យូពី និងជាប្រធានអង្គការស្ត្រីនៅបណ្តាប្រទេសអាហ្វ្រិក លោកម៉ាយឃែល សាយឌីបេ (Michel Sidibe) នាយករដ្ឋប្រតិបត្តិនៃកម្មវិធីរួមរបស់អង្គការសហប្រជាជាតិស្តីពីមេរោគអេដស៍ និងជំងឺអេដស៍ និងលោកជំទាវកិត្តិព្រឹទ្ធបណ្ឌិតប៊ុន រ៉ានី ហ៊ុន សែន ស្ត្រីទី១ របស់កម្ពុជា ភរិយាដ៏ឧត្តុង្គឧត្តមរបស់សម្តេចអគ្គមហាសេនាបតីតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។

លំអិតព័ត៌មាន>>>

ស្ត្រីប្រេស៊ីលអាយុ១១៤ឆ្នាំក្លាយជាមនុស្សចាស់ជាងគេបំផុតនៅលើពិភពលោក

លោកយាយ Maria Gomes Valentim ដែលមានអាយុ១១៤ឆ្នាំ

អង្គការកំណត់ត្រាប្លែកៗពិភពលោក(Guinness World Records ) បាននិយាយថា លោកយាយ Maria Gomes Valentim ជនជាតិប្រេស៊ីលអាយុ១១៤ឆ្នាំ គឺជាមនុស្សវ័យចំណាស់ជាងគេបំផុតនៅលើពិភពលោក។
លោកយាយ Maria Gomes Valentim ដែលមានអាយុ១១៤ឆ្នាំនិង៣១៣ថ្ងៃរូបនេះ គឺមានអាយុចាស់ជាង លោកស្រី Besse Cooperមកពីទីក្រុងMonroe រដ្ឋ Georgia ចំនួន៤៨ថ្ងៃ ។ លោកស្ត្រី Besse Cooper ត្រូវបានគេចាត់ទុកថាជាមនុស្សចាស់ជាងគេបំផុតនៅលើពិភពលោកកាលពី ពេលមុន។
អង្គការកំណត់ត្រាប្លែកៗពិភពលោក បានបញ្ជាក់ថា លោកយាយ Maria Gomes Valentim បានកើតនៅថ្ងៃទី៩ខែកក្កដាឆ្នាំ១៨៩៦នៅទីក្រុងCarangola ក្នុងរដ្ឋ Minas Gerais ប្រទេសប្រេស៊ីលជាទីដែលគាត់បានកំពុងរស់នៅ។
លោកយាយ Maria Gomes Valentim ធ្វើអោយអាយុគាត់កាន់វែងបែបនេះ ដោយសារតែគាត់បរិភោគនំប៉័ងរាល់ថ្ងៃជាមួយផ្លែឈើសំរាប់អាហារពេលព្រឹក ហើយពេលខ្លះក៏គាត់ផឹកស្រាបន្តិចបន្តួចផងដែរ។

ទេពីបដិសេធថានាងមិនមែន Lesbian

ភ្នំពេញ: អ៊ិន វរលក្ខណ៍ទេពី បានបដិសេធថានាងមិនមែនស្រីស្រឡាញ់ស្រី (Lesbian ) ដូចគ្នាទេ ហើយនាងប្រាប់អ្នកកាសែតថា “កុំសង្ស័យអ៊ីចឹងទៀត!” ។
ទេពី ត្រូវបានអ្នកកាសែតឈ្លេចសួរពីរឿងនេះ ពេលដែលជាញឹកញាប់គេប្រទះឃើញនាងជិះឡាន Range Rover ជាមួយនារីម្នាក់ ។ ករណី Lesbian ក្នុងជួរតារាសម្ដែងខ្មែរមិនមែនជាករណីកម្រនោះទេ ។
ជាការឆ្លើយការពារ នាង អ៊ិន វរលក្ខណ៍ទេពី និយាយថា ស្ដ្រីដែលជាម្ចាស់ឡាន Range Rover ដែលនាងជិះជាមួយនោះ គឺជាបងប្អូនជីដូនមួយរបស់នាង ។ អ៊ិន វរលក្ខណ៍ទេពី បានជាប់ជាស្រីស្អាតលេខ ១ របស់ស្ថានីយទូរទស្សន៍ CTN កាលពីឆ្នាំ ២០០៥ ។ នាងបានពួនសម្ងំក្រោយពេលមានរឿងអាស្រូវរឿងបុរសអាមេរិកដើមកំណើតខ្មែរ ម្នាក់បានចោទនាងនៅតុលាការ ថានាងបានយកសម្រស់ទាក់ទងខ្លួន ហើយបោកយកប្រាក់អស់ ៣ ម៉ឺនដុល្លារ ។ ក្រោយមកនាងទេពី ក៏បានប្ដឹងតបវិញ ៕

ជីវភាពអតីតគ្រូបង្រៀន ក្រោយពេលចូលនិវត្តន៍

ដោយ អ៊ុក សាវបូរី
2011-05-12
ជាទូទៅ ប្រាក់ខែសម្រាប់មន្ត្រីរាជការ គ្រូបង្រៀន មិនអាចផ្គត់ផ្គង់ជីវភាពប្រចាំថ្ងៃបានទេ។ នៅពេលចូលនិវត្តន៍ ពួកគាត់មិនអាចបានប្រាក់ចំណូលពីការបង្រៀនក្រៅម៉ោងបានដែរ។

RFA/Ouk Savborey

ផ្ទះដែលអ្នកគ្រូ បេ បូរី
នៅចាំដីឲ្យគេ នៅភូមិដក់ពរ៍ ឃុំរវៀង ស្រុកសំរោង ខេត្តតាកែវ

ក្នុងវ័យចំណាស់បន្តិច មានទឹកមុខស្រពាប់ស្រពោន អ្នកគ្រូ បេ បូរី បច្ចុប្បន្នរស់នៅភូមិដក់ពរ៍ ឃុំរវៀង ស្រុកសំរោង ខេត្តតាកែវ ឲ្យដឹងថា ពីមុនគាត់ជាគ្រូបង្រៀនផ្នែកពលរដ្ឋវិទ្យា នៅវិទ្យាល័យប៊ុនរានីហ៊ុនសែន ភ្នំជីសូរ ក្នុងខេត្តតាកែវ។ គាត់បានចូលនិវត្តន៍ ៤ឬ៥ឆ្នាំហើយ។ បច្ចុប្បន្នគាត់មានអាយុ៦៦ឆ្នាំ។ គាត់ថាផ្ទះកំពុងរស់នៅនេះ គាត់ត្រូវគេជួលឲ្យចាំទេ។ គាត់គ្មានផ្ទះរស់នៅឡើយ តាំងពីគាត់ផ្លាស់ពីខេត្តកោះកុង មកបង្រៀននៅវិទ្យាល័យប៊ុនរានីហ៊ុនសែន ភ្នំជីសូរ ក្នុងខេត្តតាកែវ។ ក្រោយចូលនិវត្តន៍ ឬបញ្ចប់ភារកិច្ចជាគ្រូបង្រៀនច្រើនឆ្នាំមក គាត់គ្មានមុខរបរទេ ក្រៅពីចាំផ្ទះឲ្យគេ។

លំអិតព័ត៌មាន>>>

ជនជាតិចិនជាប់ចោទប៉ុនប៉ងចាប់រំលោភនារីជូតសម្អាតបន្ទប់នៅក្នុង ផ្ទះសំណាក់

ថ្ងៃពុធ ទី១១ ខែឧសភា ឆ្នាំ២០១១ ម៉ោង ០៩:២០
រាជធានីភ្នំពេញ ៖ បុរសជនជាតិចិនម្នាក់ ទើបមកដល់កម្ពុជាថ្មីៗជាប់ចោទប៉ុនប៉ងចាប់រំលោភស្ត្រីជូតសំអាត ក្នុងបន្ទប់ផ្ទះសំណាក់ តែត្រូវនាងធាក់ធ្លាក់ពីលើគ្រែហើយរត់ទៅរាយការណ៍ឱ្យសមត្ថ កិច្ចចាប់ខ្លួន ក្នុងខណៈសម្លៀកបំពាក់នៅ មិនទាន់បានសម្រួលត្រឹមត្រូវ។ ហេតុការណ៍នេះកើតឡើងកាលពីវេលាម៉ោង៩ និង៣០នាទីព្រឹក ថ្ងៃទី១០ ឧសភា នៅផ្ទះសំណាក់អង្គរធំស្ថិតនៅតាមបណ្តោយមហាវិថីព្រះមុនីវង្ស ក្នុងសង្កាត់អូរឫស្សីទី៤ ខណ្ឌ៧មករា ។ ជនជាតិចិននោះឈ្មោះ CHEN MIAOKUAN អាយុ៥៦ឆ្នាំ ជាគ្រូបង្ហាត់ផ្នែកចម្រៀងភាសាចិន និងជាអ្នកទេសចរ។ ចំណែកនារីរងគ្រោះអាយុ១៨ឆ្នាំ ជាបុគ្គលិកផ្ទះសំណាក់ផ្នែកជូតសំអាត និងរៀបចំបន្ទប់។

លំអិតព័ត៌មាន>>>

ដើមបណ្ដឹងសំណុំរឿង០០៣ថា រដ្ឋាភិបាលកំពុងបង្កឧបសគ្គ

អ្នកស្រី សេង ធារី

សុក្រ 06 ឩសភា 2011 9:04 AM |
ក្លាយជាដើមបណ្ដឹងទីមួយលើសំណុំរឿង០០៣លោកស្រី សេង ធារី បានថ្លែងប្រាប់ក្រុមអ្នករាយការណ៏ព័ត៌មានកាលពីថ្ងៃព្រហស្បតិ៍ ម្សិលមិញថា រដ្ឋាភិបាលបានបង្ហាញពីចេតនានយោបាយបង្កឧបសគ្គទៅលើសំណុំរឿង០០៣ និង០០៤របស់លោកស្រី។ លោកស៊ូ មេត និងលោកមាស មុត អតីតមេបញ្ជាការយោធាខ្មែរក្រហមដែលបច្ចុប្បន្នជាឧត្ដមសេនីយ៏យោធា គឺជាជនសង្ស័យក្នុងសំណុំរឿង០០៣ស្របតាមយុត្ដាធិការរបស់តុលាការ ខ្មែរក្រហម ដែលពួកគេជាអ្នកទទួលខុសត្រូវធំក្នុងការកាប់សម្លាប់ប្រជា ពលរដ្ឋខ្មែរ។
ចំណែកអ្នកស្រី អ៊ីម ឆែម លោកតាទិត និងលោកតាអាន គឺជាជនសង្ស័យក្នុងសំណុំរឿង០០៤ពីបទឧក្រិដ្ឋកម្មប្រឆាំងមនុស្សជាតិ និងអំពើប្រល័យពូជសាសន៏ដែលបណ្ដាលឲ្យមនុស្សយ៉ាងហោចណាស់១០ម៉ឺន នាក់ស្លាប់។ ប៉ុន្ដែយ៉ាងណាក៏ដោយលោកស្រីសេង ធារី បានចោទថា រដ្ឋាភិបាលបានធ្វើឲ្យរាំងស្ទះដល់ដំណើការនីតិវិធីលើសំណុំរឿង ទាំងនេះ។

លំអិតព័ត៌មាន>>>

Case 004 in the spotlight

Theary Seng (Photo: Roland Neveu)

Friday, 06 May 2011
James O'Toole
The Phnom Penh Post

Local activist Theary Seng has announced plans to file a civil party application at the Khmer Rouge tribunal against a trio of former cadres she says are the subject of investigation in the court’s controversial fourth case.

Theary Seng identified the following three people as Case 004 suspects in a statement yesterday: Im Chem, a KR district chief in Banteay Meanchey province; Yim Tith, aka Ta Tith, deputy secretary of the KR’s Northwest Zone; and Aom An, aka Ta An, deputy secretary of the KR Central Zone.

The tribunal has yet to confirm the identities of the suspects in this case, though Im Chem in particular has been widely suggested as a possible defendant.

លំអិតព័ត៌មាន>>>

វីគីភីឌាភាសាខ្មែរ និងសន្និសីទអាស៊ានអំពីការសរសេរ Blog

ព័ត៌មានព្រៃនគរ (The Prey Nokor News)
16:04:49, 28 April 2011/ABC

កញ្ញា ចក់ សុភាព ជា អ្នកសរសេរ Blog ពីប្រទេសកម្ពុជា ។ រូបថត.Flickr

នៅថ្ងៃនេះ Radio Australia មានប្រធានបទពីរមកជូនទីមួយ គឺជុំវិញការបង្កើត និងការវិវឌ្ឍនៃបណ្ដាញផ្ទុកបណ្ដុំឯកសារ គ្រប់បែបជាភាសាខ្មែរនៅលើអ៊ីនធើរណិត ដែលហៅថា វីគី ភីឌាភាសាខ្មែរសម្រាប់ប្រយោជន៍ដល់អ្នកស្រាវជ្រាវនិងអ្នក សិក្សាទាំងពួង ។

ចុចនេះ ដើម្បីចូលមើលទំព័រ វីគីភីឌាភាសាខ្មែរ

ប្រធានបទមួយទៀតគឺអំពីការរៀបចំអង្គសន្និសីទអាស៊ានអំពីការសរ សេរ Blog ធ្វើឡើង នៅប្រទេសម៉ាឡេស៊ី ។ លោកអ្នកនឹងបានជ្រាបរបាយការណ៍ពិស្ដារអំពីអង្គសន្និសីទនេះ ដែល Radio Australia បានសម្ភាសន៍ជាមួយកញ្ញា ចក់ សុភាព ដែលជាអ្នកចូលរួមម្នាក់ នៅក្នុងចំណោមអ្នកសរសេរ Blog ជនជាតិខ្មែរ ៣ នាក់ដែលបានទៅចូលរួម ។

ប៉ុន្ដែជាដំបូងសូមស្ដាប់បទសម្ភាសន៍រវាងខ្ញុំ និងលោក អ៊ុំ វ័ណថារិទ្ធសិនដែលជានិស្សិត ខ្មែរកំពុងសិក្សានៅកូរ៉េខាងត្បូង ហើយខាងលោកជាបុគ្គលម្នាក់ចូលរួមបង្កើតវីគីភីឌា ភាសាខ្មែរ ។

—

រយៈពេល៖ ៣៦នាទី
វាគ្មិន៖ លោក អ៊ុំ វ័ណថារិទ្ធ និស្សិតខ្មែរទៅសិក្សានៅកូរ៉េខាងត្បូង និង កញ្ញា ចក់ សុភាព អ្នកសរសេរ Blog ពីប្រទេសកម្ពុជា ។
អ្នកផលិត៖ ឃុន អាឡិច

ស្ត្រីកម្ពុជាក្នុងដំណាក់កាលនៃការវិវត្ត បច្ចេកវិទ្យាព័ត៌មាន

លោកស្រី ជឹម ម៉ាណាវីរាជធានី ភ្នំពេញ៖ ថ្ងៃទី៨ មីនា គឺជាថ្ងៃពិសេសសម្រាប់ស្ត្រីនៅទូទាំងពិភពលោក ដែលទាំងស្ត្រី និងបុរសប្រារព្ធ "ទិវាសិទ្ធិនារីអន្តរជាតិ"។ ជាការពិតទិវានេះបានរៀបចំឡើងជារៀងរាល់ឆ្នាំនៅថ្ងៃទី៨ មីនា ប៉ុន្តែអ្វីដែលគួរឲ្យចាប់អារម្មណ៍នាឆ្នាំនេះ គឺទិវានេះបានធ្វើឡើងក្នុងដំណាក់កាលនៃការវិវត្តយ៉ាងគំហុករបស់ បច្ចេកវិទ្យាគមនាគមន៍ព័ត៌មានវិទ្យា។

ដើម្បីជាការស្វែងយល់បន្ថែមស្ដីពីផលប្រយោជន៍បច្ចេកវិទ្យាគមនាគមន៍ ព័ត៌មានវិទ្យាទាក់ទិននឹងស្ត្រីអ្នកយកព័ត៌មានយើងបានធ្វើបទសម្ភាសន៍ មួយជាមួយលោកស្រី ជឹម ម៉ាណាវី នាយិកាប្រតិបត្តិអង្គការវិទ្យាស្ថានបើកទូលាយដែលមានខ្លឹមសារ ទាំងស្រុងដូចខាងក្រោម៖
អ្នកយកព័ត៌មាន៖ តើអ្វីទៅជាបច្ចេកវិទ្យាគមនាគមន៍ព័ត៌មានវិទ្យា?
លោកស្រី ជឹម ម៉ាណាវី បច្ចេកវិទ្យាគមនាគមន៍ព័ត៌មានវិទ្យា ដែលភាសាអង់គ្លេសហៅថា Information Communication Technology ហៅកាត់ថា ICT មានន័យទូលំទូលាយសំដៅទៅលើឧបករណ៍និងវេទិកា ដែលយើងប្រើសម្រាប់ការប្រាស្រ័យទាក់ទងនឹងការផ្សព្វផ្សាយព័ត៌មាន។ ជាឧបករណ៍បច្ចេកវិទ្យាគមនាគមន៍ព័ត៌មានវិទ្យា រួមបញ្ចូលទាំងវិទ្យុ ទូរស័ព្ទដៃ ការផ្សព្វផ្សាយតាមទូរទស្សន៍ និងអ៊ីនធឺណិតជាដើម។ ពេលខ្លះបច្ចេកវិទ្យាគមនាគមន៍ព័ត៌មានវិទ្យាត្រូវបានគេយល់ថាមាន ទម្រង់ចាស់និងថ្មី។ បច្ចេកវិទ្យាគមនាគមន៍ព័ត៌មានវិទ្យាទម្រង់ចាស់ចង់សំដៅទៅលើការ បញ្ជូនព័ត៌មាន ដូចជា តាមរយៈវិទ្យុ។ ចំណែកឯទម្រង់ថ្មីសំដៅទៅលើការបញ្ជូនព័ត៌មាននិងឯកសារផ្សេងៗ តាមរយៈឌីជីថលជាដើម ។

លំអិតព័ត៌មាន>>>

ដើមទំព័រ